یہ نہ صرف سنتِ نبوی ﷺ ہے بلکہ۔۔ شاہ رخ خان نے دسترخوان پر بیٹھ کر کھانے پر کیا بولا؟ ویڈیو نے صارفین کے دل جیت لیئے

Shahrukh Khan Talks About The Importance Of Eating On Dastarkhan

شاہ رخ خان، جہاں دنیا چمک دمک میں کھو جاتی ہے، وہیں یہ اسٹار چپکے سے زندگی کے اصل اصولوں کو جیتا ہے۔ حال ہی میں ایک پُرانا مگر قیمتی کلپ دوبارہ منظرِ عام پر آیا ہے، جس میں کنگ خان نے ایسی بات کہی کہ دل چھو گیا، ذہن ٹھہر گیا، اور سوشل میڈیا جھوم اٹھا۔

ویڈیو میں شاہ رخ خان کہتے ہیں؛ ہمیں بچپن سے سکھایا گیا کہ زمین پر بیٹھ کر، ٹانگیں اندر موڑ کر، دسترخوان پر کھانا کھاؤ۔ یہ نہ صرف سنتِ نبوی ﷺ کی پیروی ہے بلکہ اس میں صحت کا خزانہ بھی چھپا ہے۔

ان کا کہنا تھا کہ، اس انداز سے بیٹھنے پر معدے کا ایک تہائی حصہ خودبخود دب جاتا ہے، یوں نہ صرف آپ کم کھاتے ہیں بلکہ پیٹ بھی بھرا محسوس ہوتا ہے۔ یعنی کم کھاؤ، مکمل محسوس کرو۔

اس کلپ نے سوشل میڈیا پر ایک بار پھر تہلکہ مچا دیا ہے — لوگ کہہ رہے ہیں، کنگ خان کا سٹائل نہیں، بلکہ سلیقہ بھی شاہانہ ہے۔

کسی نے کہا، سادگی میں چھپی حکمت، یہی شاہ رخ کی جیت ہے۔ تو دوسرے نے لکھا، کبھی بڑے اسٹیجز پر راج کرتے، کبھی چھوٹی باتوں میں عظمت دکھاتے — شاہ رخ خان ہمیں سکھا گئے کہ اصل بادشاہت، عاجزی میں ہے

ایک سوال آپ سے، کیا آپ آج "دسترخوان" پر بیٹھ کر کھانے کی سنت کو اپنائیں گے؟ یا ابھی بھی میز و کرسی کے قیدی بنے رہیں گے؟