ہم سب ایک گھر میں رہتے تھے۔۔ شاہد کپور کا پاکستان سے گہرا رشتہ ! کس شہر سے تعلق ہے؟

Shahid Kapoor’s Pakistani Background Revealed

بھارتی اداکار پُنکج کپو نے حال ہی میں انکشاف کیا ہے کہ ان کے خاندان کی جڑیں پاکستان کے شہر حافظ آباد سے وابستہ ہیں۔ معروف اداکار اور شاہد کپور کے والد نے ایک پوڈکاسٹ گفتگو میں بتایا کہ ان کے آبا و اجداد تقسیمِ ہند سے قبل حافظ آباد میں مقیم تھے اور ایک ہی گھر میں مل جل کر رہتے تھے۔

پُنکج کپور کے مطابق ان کے دادا سرکاری ملازم تھے اور نوکری کے باعث مختلف شہروں میں تبادلے ہوتے رہتے تھے۔ تاہم خاندان کی اصل پہچان پنجاب سے جڑی ہوئی تھی، جو آج بھی ان کے دل کے قریب ہے۔ انہوں نے بتایا کہ ان کے والد ایف سی کالج لاہور کے میگزین کے ایڈیٹر، شاندار مقرر اور اپنے زمانے کے فیشن ایبل شخصیت تھے۔

اداکار کا کہنا تھا کہ چونکہ ان کا خاندان تقسیم سے پہلے ہی بھارت منتقل ہو چکا تھا، اس لیے انہیں اس دور کے مسائل کا سامنا نہیں کرنا پڑا۔

پُنکج کپور کے اس بیان نے سوشل میڈیا پر کافی توجہ حاصل کی، جہاں صارفین نے ان کے پاکستان سے خاندانی تعلق کو دلچسپ اور تاریخی قرار دیا۔ مداحوں نے کہا کہ یہ انکشاف دونوں ملکوں کے مشترکہ ماضی اور ثقافتی وابستگی کو ایک خوبصورت انداز میں اجاگر کرتا ہے۔