رنگ بھی نہیں کروایا اور دیواریں بھی ٹھیک ہوگئیں.. جانیں امبر خان نے دیواروں سے فنگس اور سیلن ختم کرنے کے لئے کیا طریقہ اپنایا؟

"میرے گھر میں کافی سالوں سے سیلن تھی جس کی وجہ سے دیواریں خراب ہوگئی ہیں۔ ان پر رنگ کروانے کا کوئی فائدہ نہیں کیونکہ وہ جلدی اتر جاتا ہے"

یہ کہنا ہے مشہور میزبان امبر خان کا جو عید سے پہلے اپنے گھر کی صفائی ستھرائی اور مرمت میں مصروف ہیں۔ آئیے امبر کے نئے وی لاگ میں دیکھتے ہیں کہ انھوں نے گھر کی دیواروں سے سیلن کے دھبے ختم کرنے کے لئے کیا طریقہ اپنایا۔

ویڈیو میں دیکھا جاسکتا ہے کہ امبر اپنے گھر کی دیواروں کے لئے مختلف ٹائلز اور پتھروں کے آرڈر دینے ایک دکان پر موجود ہیں۔ امبر کہتی ہیں چونکہ ان کے گھر کا اندرونی حصہ تھوڑا کم روشن ہے اس لئے وہ ہلکے رنگوں کا انتخاب کرتی ہیں۔ لاؤنج کی دیواروں میں انھوں نے سنہری پتھروں جبکہ باقی دیواروں کے لئے سفید رنگ کے ٹائلز کا انتخاب کیا جو دیواروں کہ سیلن کو بھی روکے گا اور گھر بھی کشادہ اور خوبصورت لگے گا۔

گھر کے فرنیچر کی صفائی

اس کے علاوہ وی لاگ میں امبر گھر میں لکڑی کا فرنیچر بھی صاف کرتی دکھائی دیتی ہیں۔ وہ کہتی ہیں کہ ہر 15 دن بعد وہ فرنیچر پر پالش والا اسپرے کر کے کپڑے سے پونچھتی ہیں جس سے ان کا فرنیچر صاف اور چمکدار بھی ہوجاتا ہے اور دیمک سے بھی محفوظ رہتا ہے۔

اس کے علاوہ گھر کی دیواروں میں سیلن ہوجائے تو اس کو کم کرنے کے لئے بھی کئی طریقے ہیں۔ بازار میں واٹر پروف کیمیکل ملتا ہے جو دیواروں پر لگانے سے فنگس اور سیلن ختم ہوجاتی ہے۔ دیوار محفوظ ہوجاتی ہے۔ یہ واٹر پروف کیمیکل پیکٹ دکان کے علاوہ آن لائن بھی ملتا ہے اور اس کا ایک پیکٹ 18 اسکوائر فٹ کی دیوار کے لئے کافی ہوتا ہے۔ پیکٹ کے اندر ہی پاؤڈر اور لیکیوئیڈ موجود ہوتا ہے جس کو ملا کر دیوار پر لگانے سے مطلوبہ نتائج سامنے آتے ہیں۔ مزید معلومات اس ویڈیو کے ذریعے بھی حاصل کی جاسکتی ہیں۔

اگر دیوار پر بہت زیادہ سیلن ہو تو ایک بار یہ چیک کر لیں کہ کہیں دیوار کے پیچھے کوئی نل تو نہیں ہے۔ نیچے دی گئی ویڈیو میں دکھایا گیا ہے کہ جب پائپ کی فٹنگ کرتے ہوئے سلوشن اچھی طرح نہیں لگایا جاتا تو پانی لیک ہو کر دیواروں میں سیلن پیدا کرتا ہے۔ اس کے بعد بھلے دیوار پر کتنا ہی پلستر کیا جائے وہ کچھ دن میں دوبارہ خراب ہوجاتی ہے۔ اس کے لئے ضروری ہے کہ پائپ کو دوبارہ کھول کر اچھی طرح سلوشن لگا لیا جائے تاکہ گھر کی دیواریں خراب نہ ہوں۔