سردی کے موسم میں بیماریوں سے بچنے کے لئے ہلدی کا استعمال بےحد ضروری ہے ۔۔ جانیئے ہلدی کو اپنی روزمرہ کی خوراک میں شامل کرنے کے چند طریقے

سردیوں کے ساتھ ہی کئی بیماریاں جنم لیتی ہیں، لیکن گھریلو علاج کے ذریعے ان بیماریوں کو روکا جا سکتا ہے اور اس کے لئے آپ کو ایسی غذاؤں کا استعمال کرنا ہوگا جو آپ کو ان نزلہ زکام، بخار اور کھانسی جیسے مسائل سے دور رکھ سکیں۔
ان بیماریوں کے علاج کے لئے گھر میں موجود بہترین غذاؤں میں سے ایک ہلدی ہے، ہلدی اپنی شفا بخش خصوصیات کی وجہ سے روایتی گھریلو علاج اور ادویات کا حصہ ہے، یہ ایک قدرتی اینٹی آکسیڈنٹ ہے اور اس میں اینٹی سوزش خصوصیات بھی ہیں۔
ہلدی میں موجود قدرتی اجزاء نزلہ زکام، سردی میں ہڈیوں کا درد، درد ناک جوڑوں کا مسئلہ اور بدہضمی کو ٹھیک کرنے میں مدد دیتے ہیں، یہ گلے کی خراش اور بیکٹیریل انفیکشن سے بھی راحت فراہم کرتے ہیں، جو سردیوں میں عام ہوتے ہیں، ہلدی جسم کے مدافعتی نظام کو بہت سی بیماریوں کے خلاف لڑنے میں مدد کرتی ہے۔
ہلدی کے فوائد حاصل کرنے کا بہترین طریقہ یہ ہے کہ ہم اسے اپنی روزمرہ کی خوراک میں شامل کریں، موسم سرما میں ہلدی سے بھرپور مشروبات کا لطف اٹھایا جا سکتا ہے تو پھر ذیل میں بتائی گئی ہلدی والی ڈرنکس بنائیں اور اپنی قوت مدافعت کو بڑھائیں۔
ہلدی والے مختلف مشروبات

• ہلدی اجوائن کا پانی

اس مشروب کو بنانے کے لئے آپ اجوائن کو رات بھر پانی میں بھگو دیں، اگلے دن اس پانی کو کچی ہلدی کے ساتھ اُبالیں اور پھر چھان کر گرما گرم پی لیں، یہ مشروب آپ کی صحت کے لئے بےحد مفید ثابت ہوگا اور آپ کو سردی کی مختلف بیماریوں سے بچائے گا۔

• کینو اور ہلدی والا ڈرنک

ایک عدد کینو چھیل کر اس کا رس نکال لیں، اب ایک عدد گاجر کا بھی رس نکال کر اس میں ملا لیں، اب ان دونوں کو مکس کریں اور اس میں آدھا چائے کا چمچ ہلدی شامل کریں پھر لیموں کا رس اور اوپر سے ادرک کا رس ڈال کر مکس کریں اور ٹھنڈا کر کے پی لیں، یہ ایک ایسا جادوئی ڈرنک ہے جو نہ صرف ذائقے میں مزیدار بلکہ آپ کی قوتِ مدافعت کو بڑھانے کے لئے بہترین ثابت ہوگا۔

• ہلدی مصالحہ دودھ

ہلدی اور دودھ کے بارے میں تو سب ہی جانتے ہیں لیکن اگر سردی میں اس ہلدی دودھ میں جلد غذائیت سے بھرپور اجزاء اور شامل کر لی جائیں تو کیا ہی بات ہے، دودھ میں ہلدی شامل کر کے اسے پکائیں، اب اس میں ایک چٹکی دارچینی پاؤڈر مٹھاس کے لئے شہد اور گُڑ شامل کریں اور رات کے وقت گرما گرم یہ ہلدی مصالحہ دودھ پی کر سو جائیں، نہ ہی سردی لگے گی اور نہ ہی کوئی سردی کا انفیکشن آپ کا کچھ بگاڑ سکے گا۔

• ہلدی وینیلا دہی اسموتھی

آپ ہلدی کو شامل کر کے دہی کی بہترین اسموتھی بھی بنا سکتے ہیں اس کے لئے بس ایک کپ دہی لیں، اس میں آدھ چائے کا چمچ ہلدی شامل کریں، 2 عدد کیلے شامل کریں ایک چٹکی دارچینی ملائیں اور مٹھاس کے لئے ایک سے 2 کھانے کے چمچ شہد ملا لیں اسے بلینڈ کریں اور پی لیں۔

By Sadia    |    In Health and Fitness   |    0 Comments    |    5375 Views    |    26 Nov 2021

Related Articles

Comments/Ask Question

Read Blog about سردی کے موسم میں بیماریوں سے بچنے کے لئے ہلدی کا استعمال بےحد ضروری ہے ۔۔ جانیئے ہلدی کو اپنی روزمرہ کی خوراک میں شامل کرنے کے چند طریقے and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (سردی کے موسم میں بیماریوں سے بچنے کے لئے ہلدی کا استعمال بےحد ضروری ہے ۔۔ جانیئے ہلدی کو اپنی روزمرہ کی خوراک میں شامل کرنے کے چند طریقے ) and how to utilize other natural ingredients to cure diseases, easy recipes, and other information related to food from KFoods.