میرا دل کرتا تھا اسکے سر پر کڑاہی دے ماروں ۔۔ اداکارہ امریتا سنگھ اور سیف علی خان کے درمیان طلاق کی اصل وجہ کیا تھی؟

کرینہ کپور خان سے شادی کرنے سے پہلے سیف علی خان نے امریتا سنگھ سے شادی کی تھی جو کہ 1991 سے 2004 تک چلی تھی اور پھر ان کی طلاق ہوگئی جس کے بعد یہ خبر اس وقت بہت زیادہ چرچہ میں رہی۔

جب دونوں نے شادی کا فیصلہ کیا تھا اس وقت سیف کی عمر صرف 21 سال جب کہ امریتا 33 سال کی تھیں۔ ان کی شادی کچھ عرصہ تو ٹھیک ٹھاک چلی لیکن پھر ان کی زندگی میں ایسا موڑ آیا کہ دونوں نے اپنی راہیں جدا کرلیں۔ آئیے ماضی کی اس حقیقت کو جانتے ہیں۔

1999 میں، جب امریتا سنگھ اسٹار تھیں اور سیف علی خان ایک نیو کمر تھے، تب وہ مشہور میزبان سمی گریوال کے شو میں بطور مہمان آئے تھے۔ وہاں انہوں نے اپنی شادی شدہ زندگی کے تمام اتار چڑھاؤ کے بارے میں بات کی۔

انٹرویو کے دوران جب امریتا سے پوچھا گیا کہ، کیا وہ سیف کے ساتھ دیگر اداکاراؤں کے کام کرنے پر اپنے آپ کو غیر محفوظ محسوس کرتی ہیں؟ تو انھوں نے سمی کو بتایا کہ ایسے معاملات میں خواتین کے لیے غیر محفوظ محسوس کرنا نارمل بات ہے۔

امریتا سنگھ نے کہا، ہمارے درمیان بھی دوسرے لوگوں کی طرح مسائل تھے اور لڑائیاں بھی ہوتی تھیں۔ ساتھ ہی انہوں نے ان تمام مشکلات کے بارے میں بات کی جن سے وہ گزری ہیں اور اسے ایک دردناک تجربہ قرار دیتی ہیں۔

اس بارے میں مزید بات کرتے ہوئے، امریتا نے انکشاف کیا کہ "ایسے دن بھی آئے جب میں سیف کا سر کڑاہی سے توڑنا چاہتی تھی۔ اس نے مزید کہا، میں روتی اور لڑتی تھی دیگر عام خواتین کی طرح۔"

جس کا جواب دیتے ہوئے سیف علی خان نے تصدیق کی کہ، ہاں وہ ماضی میں ایسا کر چکی ہیں، امریتا اور سمی گریوال دونوں سیف کا منہ دیکھتے رہ گئے۔

ان کی طلاق کے بعد، سیف علی خان نے دعوی کیا کہ وہ ایک پرتشدد اور ناکام شادی میں تھے۔ انہوں نے یہ بھی انکشاف کیا تھا کہ وہ امریتا کو پانچ کروڑ دینے والے تھے، جس میں سے وہ اس وقت ڈھائی کروڑ روپے دے چکے تھے۔