میرا رشتہ ٹوٹ گیا لیکن صاحبہ کا رشتہ باپ سے اللہ نے خود بنایا ہے.. سابق شوہر سے بیٹی کی پہلی ملاقات پر نشو بیگم کا جذباتی پیغام

"میرے داماد کسی شو کے سلسلے میں کراچی میں موجود تھے جہاں انھیں کسی نے فون کر کے کہا کہ کیا وہ اپنے سسر سے ملنا چاہتے ہیں. ریمبو نے صاحبہ کو بتایا جس پر اس نے کہا کہ اب کیا فائدہ. میری ماں نے مجھے پالا پوسا، تربیت کی، اچھے گھر میں شادی کی اور میں اپنے گھر میں بہت خوش ہوں"

یہ کہنا ہے ماضی کی مشہور اداکارہ نشو بیگم کا جنھوں نے 42 برس بعد اپنی بیٹی صاحبہ کی اس کے والد سے پہلی بار ملاقات کے بارے میں ایک فون کال پر گفتگو کی. واضع رہے کہ یہ ویڈیو سوشل میڈیا پر اس وقت خوب وائرل ہے. دیکھیں

نشو بیگم کا کہنا ہے کہ ریمبو نے صاحبہ کو والد سے ملنے پر اصرار کیا جو کہ ان کی بہت اچھی بات تھی. لیکن صاحبہ میری فرمانبردار بیٹی ہے اور اس نے وفاداری نبھاتے ہوئے پہلے مجھ سے اجازت لی.

نشو بیگم نے مزید بتایا کہ انھوں نے صاحبہ کے اجازت مانگنے پر کہا کہ "میرا دل اتنا چھوٹا نہیں کہ بیٹی کو باپ سے ملنے پر روکوں. میرا ان سے جائز رشتہ تھا جو ختم ہوگیا. لیکن تمھارا ان سے رشتہ کبھی ٹوٹ نہیں سکتا کیونکہ یہ اللہ نے بنایا ہے.

نشو بیگم کا کہنا تھا کہ جب تک ان کے سابق شوہر بیٹی کے پاس رہے وہ صاحبہ سے نہیں ملیں لیکن صاحبہ اپنے والد سے مل کر بہت خوش ہے.

واضح رہے کہ گزشتہ ہفتے ماضی کی اداکارہ صاحبہ کی 42 برس میں پہلی بار اپنے والد سے ملاقات ہوئی تھی جس کا انھوں نے وی لاگ بھی بنایا تھا جو کافی وائرل ہوا.