میں مزدور ہوں لیکن پڑھنا چاہتا ہوں۔۔ غریب نوجوان کی بات سن کر عمران ریاض بھی جذباتی ہوگئے! کیا جواب دیا؟

مشہور ٹی وی اینکر عمران ریاض اس وقت ملک کے مختلف شہروں میں سیلاب زدگان کی مدد کے لئے لگائے گئے کیمپس کا دورہ کررہے ہیں اور انھیں امدادی سامان پہنچا رہے ہیں۔ حال ہی میں ان کی ایسی ویڈیو وائرل ہوئی ہے جس نے ان کے مداحوں کے علاوہ تنقید کرنے والوں کے دل بھی جیت لئے ہیں۔

امدادی کاموں کے دوران عمران ریاض کے پاس ایک غریب مزدور نوجوان آتا ہے اور کہتا ہے کہ “عمران بھائی مجھے پڑھنے کا شوق ہے مجھے کسی طرح کسی تعلیمی ادارے میں داخلہ دلا دیں۔ غربت کی وجہ سے کام کرنے لگا اور پڑھ نہیں سکا۔ “

غریب مزدور کی بات پر عمران ریاض کا ردعمل

اتنا ہی نہیں بلکہ اس نوجوان نے یہ بھی کہا کہ عمران بھائی مجھے اپنی طرح بنا دیں۔ عمران ریاض نے اس نوجوان کی بات تحمل سے سنی اور جواب میں اپنی ٹیم کے ساتھ آئے لوگوں کو کہا کہ اس بچے کا نمبر لیں اور اس کا داخلہ کروائیں جہاں سے یہ پڑھ سکے۔ ساتھ ہی عمران ریاض نے نوجوان سے کہا کہ اللہ نے چاہا تو آپ مجھ سے بھی زیادہ کامیاب ہوں گے۔

والدین کو پیسے بھی دیں گے اور بچوں کی تعلیم کا خرچہ بھی اٹھائیں گے

عمران ریاض نے مزید کہا کہ اس کیمپ میں دو، تین ایسے بچے ہیں جنھیں اسکول میں داخلہ دلوانا ہے۔ ان کے والدین کو راضی کرنا ہے۔ اگر کسی بچے کے والدین کہیں کہ میرا یہ بچہ تو کما کر لاتا ہے تو اس سے کہنا ہے کہ جتنا یہ بچہ کما کر لاتا ہے وہ پیسے ہم آپ کو دیں گے اور اس کے تعلیمی اخراجات بھی اٹھائیں گے۔

قابل ستائش اقدام

بے شک اس وقت ہم سب کو مشکل گھڑی میں ایسے افراد کے کام آنے کی ضرورت ہے جو خود اپنی مدد کرنے سے قاصر ہیں۔ عمران ریاض کا یہ اقدام قابل ستائش ہے جسے ہم سب کو بھی اپنانا چاہئیے۔

By Khush Bakht  |   In News  |   0 Comments   |   499 Views   |   22 Sep 2022
Related Articles
Top Trending
Comments/Ask Question

Read Blog about میں مزدور ہوں لیکن پڑھنا چاہتا ہوں۔۔ غریب نوجوان کی بات سن کر عمران ریاض بھی جذباتی ہوگئے! کیا جواب دیا؟ and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (میں مزدور ہوں لیکن پڑھنا چاہتا ہوں۔۔ غریب نوجوان کی بات سن کر عمران ریاض بھی جذباتی ہوگئے! کیا جواب دیا؟) and how to utilize other natural ingredients to cure diseases, easy recipes, and other information related to food from KFoods.