پہلی شادیاں منصوبہ بندی سے نہیں کی تھیں لیکن اب۔۔ اقرار الحسن نے چوتھی شادی سے متعلق کیا بتایا؟

Iqrar Ul Hassan’s Plan Of Fourth Marriage

“میری چوتھی شادی کا کوئی ارادہ نہیں ہے۔ سچ یہ ہے کہ میری پچھلی تین شادیاں بھی منصوبہ بندی کے تحت نہیں ہوئیں۔ یہ سب کچھ قدرت کی طرف سے طے شدہ فیصلے تھے، جو آخرکار میرے لیے بہتر ثابت ہوئے۔ کبھی کبھار زندگی میں ایسا ہوتا ہے کہ کوئی شخص آپ سے اس طرح جڑ جاتا ہے کہ آپ کا دل اس سے مانوس ہو جاتا ہے۔ یہ تعلق حسن یا پس منظر کی وجہ سے نہیں بلکہ ایک قدرتی سمجھ بوجھ کے باعث بنتا ہے۔ لیکن اب میں سمجھتا ہوں کہ میری زندگی میں مزید شادی کی کوئی گنجائش نہیں، اب بس یہی کافی ہے۔”

پاکستان کے مشہور اینکر اور تفتیشی صحافی اقرار الحسن گفتگو کے دوران چوتھی شادی سے متعلق خبروں کی وضاحت کرتے ہوئے صاف انکار کر دیا۔

اقرار الحسن، جو اپنے معروف پروگرام کی میزبانی کے باعث شہرت رکھتے ہیں، ہمیشہ اپنی صحافتی خدمات کے ساتھ ساتھ ذاتی زندگی کی وجہ سے بھی توجہ کا مرکز بنے رہتے ہیں۔ ان کی تین شادیاں اور ان کے درمیان توازن رکھنے کی صلاحیت اکثر سوشل میڈیا پر بحث کا موضوع رہتی ہے۔

شو کے دوران اقرار نے کہا کہ ان کی شادیوں کے فیصلے سوچ سمجھ کر نہیں بلکہ حالات کے بہاؤ میں ہوئے، اور ہر بار وہ تجربہ کسی نہ کسی لحاظ سے مثبت رہا۔ تاہم اب وہ سمجھتے ہیں کہ زندگی کے اس باب کو یہیں بند کر دینا بہتر ہے۔

واضح رہے کہ اقرار الحسن نے حال ہی میں اپنی سیاسی جماعت بنانے کے منصوبے کا اعلان بھی کیا ہے، جس کے بعد ان کی ذاتی اور پیشہ ورانہ زندگی ایک بار پھر خبروں کی زینت بن گئی ہے۔