میری شادی کا جوڑا کیوں پہنا؟ صبور علی نے ڈرامے میں اپنے جیسا لباس دیکھ کر ناراضگی کا اظہار کیا تو ڈیزائنر نے انہیں کیا کرارا جواب دیا؟

پاکستانی شوبز اداکار آئے دن کسی نہ کسی وجہ سے خبروں میں رہتے ہیں، کبھی اپنے کسی بیان کی وجہ سے ٹرول ہورہے ہوتے ہیں یا کبھی کوئی اچھا کام یا بات کرنے کی وجہ سے تعریفیں سمیٹ رہے ہوتے ہیں۔

اس بار توپوں کا رخ صبور علی نے اپنی جانب کرلیا ہے۔

گزشتہ روز منت اور مراد ڈرامے کی نشر ہونے والی قسط میں منت اور مراد (اقرا عزیز اور طلحہ) کی شادی کے مناظر دکھائے گئے۔ جسے دیکھ کر جہاں مداح خوش ہوئے تو وہیں صبور علی ناراض ہوگئیں کیونکہ اس ڈرامے میں شادی کی مکمل تھیم کو صبور علی اور علی انصاری کی اصل شادی سے کاپی کیا گیا تھا۔

انہوں نے اپنے آفیشل انسٹاگرام اکاوْنٹ کی اسٹوری میں اپنی اور اقرا عزیز کی تصویر پوسٹ کرتے ہوئے لکھا کہ، “میں یہ سب دیکھ کر کیسا محسوس کروں؟ میری زندگی کی حسین یادیں، میرے یادگار اور قیمتی لمحات، میرے جذبات اور میری زندگی کا سب سے اہم اور خاص دن کا میرا لباس اور میری جیولری سے لیکر میرے میک اپ تک کو ڈرامے میں کاپی کیا گیا ہے”۔

جس کے جواب میں ڈیزائنر فائزہ ثقلین (جنہوں نے یہ کپڑے ڈیزائن کئے ہیں) نے لکھا کہ "یہ کوئی پہلی بار نہیں ہے جب کسی اداکارہ کا لُک ڈرامے میں کاپی کیا گیا ہو، ڈیزائنرز ایک طرح کے کئی لباس تیار کرتے ہیں جن میں تھوڑی بہت تبدیلی ہوتی ہے۔ اور یہ پوری طرح ڈیزائنرز کا حق ہے کہ وہ اپنے ڈیزائن کب کہاں اور کسے پہننے کو دے۔ اسلیئے اس پر اتنا ری ایکٹ کرنے کی ضرورت نہیں ہے"۔