110 سال کا دلہا 55 سال کی دلہن لے آیا۔۔ حق مہر کتنا رکھا؟ کنگن پہناتے ویڈیو وائرل

نہ تو محبت کی کوئی عمر ہوتی ہے نہ ہی شادی کی بلکہ کہنے والے کہتے ہیں کہ بڑھاپے میں انسان کو شادی کی زیادہ ضرورت ہوتی ہے۔ یہ وہ وقت ہوتا ہے جب بچے اپی زندگیوں میں مصروف ہوچکے ہوتے ہیں اور انسان نوکری وغیرہ سے بھی کنارہ کشی اختیار کرچکا ہوتا ہے۔ ایسے میں کوئی تنہائی بانٹنے والا، باتیں کرنے والا اور خیال رکھنے والا چاہیے ہوتا ہے۔ شاید یہی وجہ ہے کہ مانسہرہ میں 110 سالہ بزرگ شہری نے 55 سالہ خاتون سے چوتھی شادی کرلی۔

ایکسپریس نیوز کے مطابق 110 سالہ شہری عدالحنان کے پہلے سے 6 بیٹے اور 6 بیٹیاں ہیں۔ عبدالحنان کے بڑے بیٹے کی عمر70 سال سے بھی زیادہ ہے۔ جبکہ اگر بات ان کے پوتے پوتیوں کی کی جائے تو عبدالحنان کے لاتعداد پوتے پوتیاں اور نواسے نواسیاں ہیں جو تقریباً سارے ہی شادی شدہ ہیں۔

شادی کی ویڈیو میں دیکھا جاسکتا ہے کہ بوڑھے بابا کس طرح اپنی نئی نویلی دلہن کو کنگن پہنا رہے ہیں۔ یہ ویڈیو سوشل میڈیا پر تیزی سے وائرل ہورہی ہے اور لوگ بوڑھے میاں بیوی کو ان کی شادی پر مبارکباد دے رہے ہیں۔ بابا نے اپنی دلہن کا حق مہر ٥ ہزار رکھا ہے۔