احد سے تعلق اور اب شوبز سے دوری ۔۔۔ کیا رمشا خان واقعی اداکاری چھوڑ رہی ہیں؟

اداکارہ رمشا خان اور احد رضا میر ڈرامہ ہم تم میں جب سے ایک ساتھ نظر آئے ہیں، مداحوں نے ان کی جوڑی کو پسندیدہ جوڑی قرار دینا شروع کردیا اور اب ان کے حوالے سے سوشل میڈیا پر کمنٹ کرتے ہوئے کچھ صارف کہتے ہیں کہ جناب ان دونوں کا آپس میں کچھ تعلق سمجھ آرہا ہے کیا اب احد سجل کے بعد دوسری شادی رمشا سے کریں گےَ؟ جبکہ یہ صرف قیاس آرائیاں ہیں کیونکہ ایک ساتھ ڈراموں میں کام کرتے کرتے لوگ ڈراموں کی جوڑیوں کو اصل زندگی کی حقیقت سمجھ بیٹھتے ہیں اور اسی طرح کی قیاس آرائیوں سے اداکاروں کو مخاطب کرتے ہیں۔ لیکن اب سوشل میڈیا پر یہ بات بھی گردش کر رہی ہے کہ رمشا خان اداکاری چھوڑ رہی ہیں؟

انسٹاگرام پر اسٹوری شیئر کرتے ہوئے اداکارہ رمشا خان نے شوبز انڈسٹری چھوڑنے سے متعلق تمام خبروں کی تردید کرتے ہوئے کہا کہ میں اداکاری نہیں چھوڑ رہی، براہ کرام سوشل میڈیا پر جو دیکھیں اُس پر یقین نہ کریں۔۔ چند دنوں سے اداکارہ رمشا خان کا ایک ویڈیو کلپ وائرل ہو رہا تھا جس میں انہوں نے ایک سوال پر شادی کے بعد اداکاری سے کنارہ کشی اختیار کرنے کا اظہار کیا تھا۔ لیکن اب رمشا خان نے اس حوالے سے تمام خبروں کی تردید کر دی ہے۔

ان کے اسی ویڈیو وائرل کلپ کی وجہ سے مداحوں نے رمشا اور احد کے نام کو ایک دوسرے کے ساتھ منسوب کیا جوکہ اخلاقی اعتبار سے بالکل غلط ہے۔