اقرا کنول نے اچانک یوٹیوب چینل کیوں ختم کردیا؟ حاملہ ہونے کی خبریں وائرل ہوتے ہی نیا اعلان

سِسٹرولوجی سے شہرت پانے والی یوٹیوبر اقراء کنول نے حال ہی میں اپنے مشہور چینل کو بند کرنے کا اعلان کیا ہے. اتنا ہی نہیں بلکہ اقراء کنول نے اپنے نئے وی لاگ اور انسٹاگرام کی اسٹوری میں یہ بھی لکھا ہے کہ یہ اِن کا آخری وی لاگ ہے۔

واضح رہے اقرا کنول کی چند ماہ پہلے ہی شادی ہوئی ہے جس کے بعد ان کے حاملہ ہونے کی خبریں سوشل میڈیا پر گردش کررہی تھیں. البتہ ان خبروں کی تاحال تصدیق نہیں ہوسکی ہے. اپنے نئے وی لاگ میں اقرا نے انکشاف کیا کہ وی لاگ کے ساتھ وہ اپنے چینل کا بھی اختتام کررہی ہیں.

اس سے پہلے وہ یہ بھی کہہ چکی تھیں کہ آنے والے دنوں میں اہم اعلان کرنے جارہی ہیں. جس کے چند دن بعد انھوں نے آخری وی لاگ اپلوڈ کردیا جس میں ان کی بہنیں اور والدہ بھی موجود ہیں.

ویڈیو میں دیکھا جاسکتا ہے کہ اقرا اپنے گھر والوں کو یوٹیوب چینل ختم کرنے کے بارے میں بتا رہی ہیں جس پر ان کی بہنیں پریشان ہیں. اچانک ہی ان کی ایک بہن کو یاد آتا ہے کہ آج یکم اپریل ہے اور اقرا مذاق کررہی ہیں.

اتنے میں ان کے شوہر ہنستے ہوئے بتاتے ہیں کہ انھوں نے بیوی کے کہنے پر ان کے ساتھ مل کر یہ ڈرامہ کیا تھا.