قربانی کے گوشت سے بنائیں 5 مزیدار اور چٹ پٹے پکوان

قربانی کا گوشت عید الاضحی کا تحفہ ہے اور عید الاضحی کے دنوں میں ہر امیر غریب کی خواہش ہوتی ہے کہ وہ جی بھر کرقربانی کا گوشت کھائے۔
عید کے تیسرے دن کے بعد سے گوشت کھانے کا رجحان قدرے کم ہو جاتا ہے چونکہ زیادہ تر لوگ زیادہ گوشت کھانے کی وجہ سے بدہضمی، تیزابیت، معدے میں جلن،پیٹ میں اپھارہ، قبض یا ڈائریا کا شکار ہو جاتے ہیں۔اس لیے کوشش کریں کہ قربانی کا گوشت اعتدال سے کھائیں تاکہ آپ لمبے عرصے تک قربانی کے گوشت سے تیار نت نئے مزیدار پکوانوں سے لطف اندوز ہو سکیں۔
اگر آپ کے فریزر میں قربانی کا گوشت ابھی بھی باقی ہے تو آپ اس گوشت سے درجنوں قسم کے پکوان بنا سکتے ہیں۔جن میں چند درج ذیل ہیں۔

بیف بریانی

اجزاء:
•چاول_____ آدھ کلو بھیگے ہوئے
•گائے کا گوشت_____ آدھ کلو ابلا ہوا
•دہی_____ 250 گرام
•ہری مرچ پاؤڈر_____ 2 کھانے کے چمچ
•دھنیا پاؤڈر_____ 2 کھانے کے چمچ
•نمک_____ 2 چائے کے چمچ
•لال مرچ پاؤڈر_____ 1 چائے کا چمچ
•ہلدی پاؤڈر_____ آدھ چائے کا چمچ
•گرم مصالحہ پاؤڈر_____ 1 کھانے کا چمچ
•بادیان کے پھول_____ 4 عدد
•جائفل پاؤڈر_____ آدھ چائے کا چمچ
•جاوتری پاؤڈر_____ آدھ چائے کا چمچ
•ادرک_____ 1 کھانے کا چمچ باریک پسا ہوا
•لہسن ادرک پیسٹ_____ 1 کھانے کا چمچ
•آلو بخارہ_____ 50 گرام
•ہرا دھنیا_____ آدھی گٹھی
•پودینہ_____ آدھی گٹھی
•پیلا رنگ_____ آدھ چائے کا چمچ
•تیل_____ 4 کھانے کے چمچ
•پیاز_____ 1 چائے کا چمچ فرائی کیا ہوا

ترکیب:
ایک پین میں اڑھائی گلاس پانی، دہی، ہلدی پاؤڈر، لال مرچ پاؤڈر، نمک، تیل، گرم مصالحہ پاوڈر، لہسن ادرک پیسٹ، جائفل، جاوتری پاؤڈر اور بادیان کے پھول ڈال کر اچھی طرح مکس کرلیں۔
پھر اس میں ابلا ہوا گائے کا گوشت شامل کرکے دس منٹ تک پکائیں۔
پھر دہی، پیلا رنگ اور چاول شامل کرکے دو کنی پکا لیں۔
پھر اوپر پیاز، ٹماٹر، آلو بخارہ، ہرا دھنیا، پودینہ، ادرک اور تیل شامل کردیں۔
دس سے بارہ منٹ کے لئے دم پر رکھ دیں۔
پھر چولہے سے ہٹا کر ڈش میں نکال کر سرو کریں۔

بیف نہاری

اجزاء:
•گوشت _____2 کلو
•ادرک پیسٹ_____ 1 کھانے کا چمچہ
•لہسن پیسٹ_____ 2 کھانے کے چمچے
•نمک_____ حسب ذائقہ
•پیاز_____ 3-4 عدد(سلائس کاٹ لیں)
•آٹا_____ 1 کپ
•سونٹھ کا ٹکڑا_____ 1 عدد(بڑا)
•سونف_____ 1.1/2 کھانے کا چمچہ
•گرم مصالحہ پاﺅڈر_____ 1.1/2 کھانے کا چمچہ
•بڑی الائچی_____ 3-4 عدد
•بادیان کے پھول_____ 3 عدد
•سرخ مرچ پاﺅڈر_____ 2 کھانے کے چمچے
•تیل_____ حسب ضرورت
•نمک_____ حسب ذائقہ
•ہرا دھنیا‘ادرک‘پودینہ‘لیموں_____ گارنشگ کے لیے

ترکیب:
ململ کے کپڑے میں سونٹھ کا ٹکڑا‘سونف‘گرم مصالحہ پاﺅڈر‘بڑی الائچی‘بادیان کے پھول ڈال کر پوٹلی تیار کرلیں
پتیلی میں تیل گرم کریں اس میں پیاز ڈال کر فرائی کریں
گوشت ادرک‘لہسن پیسٹ اور نمک ڈال کر بھون لیں
گوشت بھوننے کے بعد اس میں لال مرچ پاﺅڈر اور تیار کی ہوئی پوٹلی ڈال کر دوبارہ بھونیں 4-5 گلاس پانی ڈال کر گوشت گلنے تک پکائیں گوشت گل جائے تو ایک کپ پانی میں آٹا گھو ل کر اس میں ڈالیں مسلسل چمچہ چلاتے ہوئے تیز آنچ پر پکائیں تاکہ گھٹلیاں نہ بنیں
تھوڑی دیر کے بعد آنچ دھیمی کرکے ڈھکن ڈھک کر روغن اوپر آنے تک پکائیں
مزیدار بیف نہاری تیار ہے
سرونگ ڈش میں نکال کر ہرے دھنیے‘ادرک پودینے اور لیموں سے گارنش کرکے سرو کریں۔

مصالحہ مٹن چانپ

اجزاء:
•مٹن چانپ_____ 1 کلو
•ٹماٹر_____ 1 پاؤ
•کوکنگ آئل_____ آدھ پاؤ
•لال مرچ_____ حسب ذائقہ پسی ہوئی
•ادرک لہسن پیسٹ_____ 4 کھانے کے چمچ
•دہی_____ آدھ پاؤ
•ہلدی_____ 1 چائے کا چمچ
•نمک_____ حسب ذائقہ

ترکیب:
سب سے پہلے چانپوں کو دیگچی میں ڈال کر ابال لیں۔
اس دوران دو مرتبہ پانی تبدیل کریں۔
پھر دوبارہ چانپیں اُبالیں۔ لیکن خیال رہے کہ چانپیں گل نہ جائیں۔
کیونکہ انہیں بھوننے کا مرحلہ باقی ہے۔
اب چانپوں میں ٹماٹر، نمک، لال مرچ، ہلدی، ادرک لہسن پیسٹ تمام اشیاء مکس کرلیں۔
اب کڑھائی یا پتیلی میں کوکنگ آئل ڈال کر گرم کرلیں اور مصالحے میں بھگوئی چانپوں کو گرم تیل میں بھوننا شروع کر دیں۔
جب مصالحہ اچھی طرح بھن جائے تو اس میں دہی ڈال کر کچھ دیر دوبارہ بھونیں۔
جب چانپ تیل چھوڑ دے تو سمجھ لیں کہ مٹن چانپ تیار ہو گئے ہیں۔
انہیں ڈش میں سجا کر اس پر ادرک (کٹی ہوئی) اور ہرے دھنیا سے گارنش کر دیں۔
پھر چانپیں، پیاز کے سلائس اور لیموں کے ساتھ پیش کریں۔

شاہی گولا کباب مصالحہ

اجزاء:
گائے کا قیمہ آدھا کلو
پیاز (تلی ہوئی) آدھی پیالی
پسا ہوا گرم مصالحہ ایک چائے کا چمچ
ثابت سفید زیرہ ایک چائے کا چمچ
خشخاش ایک کھانے کا چمچ
پسا ہوا ناریل ایک کھانے کا چمچ
دہی ایک کھانے کا چمچ
پسا ہوا لہسن ادرک ایک کھانے کا چمچ
بھنے ہوئے چنے ایک کھانے کا چمچ
پسا ہوا کچا پپیتا آدھا چائے کا چمچ
پسی ہوئی لال مرچ ڈیڑھ چائے کا چمچ
نمک ایک چائے کا چمچ
ہرا دھنیا٬ ہری مرچیں٬ ہری پیاز٬ ٹماٹر سجانے کے لیے

مصالحہ بنانے کے اجزاﺀ
پیاز (باریک کٹی ہوئی) ایک عدد
ہری مرچیں (باریک کٹی ہوئی) دو عدد
پسا ہوا لہسن ادرک ایک کھانے کا چمچ
ہرا دھنیا (چوپ کیا ہوا) دو کھانے کے چمچ
پسی ہوئی لال مرچ ڈیڑھ چائے کا چمچ
نمک تین چوتھائی چائے کا چمچ
تیل آدھی پیالی

ترکیب:
خشخاش٬ ناریل اور زیرہ توے پر بھون لیں-
پھر انہیں چنوں کے ساتھ باریک پیس لیں-
قیمے میں چنے کا آمیزہ اور باقی تمام اجزاﺀ ملا کر بڑے کوفتے بنا کر رکھ لیں-
دیگچی میں تیل گرم کر کے پیاز سنہری کریں٬ اس میں مصالحے کے باقی اجزاﺀ ملا کر اچھی طرح سے بھونیں اور پھر آدھی پیالی پانی شامل کر کے چند منٹ پکائیں-
اس میں کوفتے شامل کریں اور ڈھکن ڈھانک کر ہلکی آنچ پر دس منٹ تک پکا کر ڈش میں نکال لیں-
مزیدار گولا کباب٬ ہری مرچوں٬ ہری پیاز اور ٹماٹر سے سجا کر پیش کریں-

دم کا قیمہ

اجزاء:
قیمہ۔۔۔۔۔۔۔۔۔۔۔۔۔۔۔۔۔۔ ایک کلو
دہی۔۔۔۔۔۔۔۔۔۔۔۔۔۔۔ 2/1پاؤ
بادام۔۔۔۔۔۔۔۔۔۔۔۔۔۔۔۔۔۔ ایک چھٹاک
خشخاش۔۔۔۔۔۔۔۔۔۔۔۔۔۔۔۔۔۔ ایک چٹھاک
چھوٹی الائچی۔۔۔۔۔۔۔۔۔۔۔۔۔۔۔۔۔ چار عدد
پسی ہوئی لال مرچ۔۔۔۔۔۔۔۔۔۔۔۔۔۔۔۔۔ ایک چائے کا چمچ
پسا ہوا ادرک لہسن۔۔۔۔۔۔۔۔۔۔۔۔۔۔۔۔۔۔ ایک کھانے کا چمچ
ہری مرچیں چار عدد۔۔۔۔۔۔۔۔۔۔۔۔۔۔۔ باریک کٹی ہوئی
نمک۔۔۔۔۔۔۔۔۔۔۔۔۔۔۔ حسبِ ذائقہ
پیاز۔۔۔۔۔۔۔۔۔۔۔۔۔۔۔۔ 2/1کلو
گھی۔۔۔۔۔۔۔۔۔۔۔۔۔۔۔۔ آدھا پاؤ
کھوپرا۔۔۔۔۔۔۔۔۔۔۔۔۔۔۔۔۔۔۔۔۔ ایک چھٹاک
کباب چینی۔۔۔۔۔۔۔۔۔۔۔۔۔۔۔۔۔۔ آٹھ عدد
سیاہ زیرہ۔۔۔۔۔۔۔۔۔۔۔۔۔۔۔۔۔۔ ایک چائے کا چمچ
پسی ہوئی ہلدی۔۔۔۔۔۔۔۔۔۔۔۔۔۔۔۔۔ آدھا چائے کا چمچ
زعفران۔۔۔۔۔۔۔۔۔۔۔۔۔۔۔۔۔۔ حسبِ ضرورت
دھنیا پاؤڈر۔۔۔۔۔۔۔۔۔۔۔۔۔۔۔۔۔۔۔۔۔۔۔۔ حسبِ ضرورت

ترکیب:
سب سے پہلے تمام مصالحوں کو صاف کرکے توے پربھون کر گرائنڈر میں باریک پیس لیں۔
پھر پیاز کو باریک کاٹ کرگھی میں سرخ کرکے نکال لیں۔
پھر مشین کا باریک قیمہ لیں۔
قیمہ میں پسا ہوا ادرک لہسن پسی ہوئی لال مرچ پسی ہوئی ہلدی حسب ضرورت نمک اور دہی سمیت تمام مصالحوں کو ملا کر بیس منٹ تک رکھ دیں۔
پھر ایک بڑی دیگچی میں گھی ڈال کر اوپر سے سرخ کی ہوئی پیاز چھڑک کر زعفران بھی گھول کر ڈال دیں۔
قیمہ شامل کرکے پکالیں۔
پھر نیچے اوپر کوئلے رکھ کر دم پر رکھ دیں اور خوشبو آنے لگے تو اتار کر نان کے ساتھ نوش فرمائیے۔

مزید بیف اور مٹن کے پکوان

Qurbani Ke Gosht Se Banain 5 Mashoor Pakwan

Discover a variety of Step By Step Recipes articles on our page, including topics like Qurbani Ke Gosht Se Banain 5 Mashoor Pakwan and other health issues. Get detailed insights and practical tips for Qurbani Ke Gosht Se Banain 5 Mashoor Pakwan to help you on your journey to a healthier life. Our easy-to-read content keeps you informed and empowered as you work towards a better lifestyle.

By Aqib Shahzad  |   In Step By Step Recipes  |   0 Comments   |   6712 Views   |   10 Jul 2022
About the Author:

Aqib Shahzad is a content writer with expertise in publishing news articles with strong academic background. Aqib Shahzad is dedicated content writer for news and featured content especially food recipes, daily life tips & tricks related topics and currently employed as content writer at kfoods.com.

Related Articles
Top Trending
COMMENTS | ASK QUESTION (Last Updated: 19 March 2024)

قربانی کے گوشت سے بنائیں 5 مزیدار اور چٹ پٹے پکوان

قربانی کے گوشت سے بنائیں 5 مزیدار اور چٹ پٹے پکوان ہر کسی کے لیے جاننا ضروری ہیں کیونکہ یہ ایک اہم معلومات ہے۔ قربانی کے گوشت سے بنائیں 5 مزیدار اور چٹ پٹے پکوان سے متعلق تفصیلی معلومات آپ کو اس آرٹیکل میں بآسانی مل جائے گی۔ ہمارے پیج پر کھانوں، مصالحوں، ادویات، بیماریوں، فیشن، سیلیبریٹیز، ٹپس اینڈ ٹرکس، ہربلسٹ اور مشہور شیف کی بتائی ہوئی ہر قسم کی ٹپ دستیاب ہے۔ مزید لائف ٹپس، صحت، قدرتی اجزاء اور ماڈرن ریمیڈی کے فوڈز میں موجود ہے۔