لاکھوں کا نہیں بلکہ کروڑوں کا۔۔ بھائی کی شادی میں پریانکا کے ہار نے دھوم مچا دی ! قیمت نے سب کے ہوش اڑا دیے

بولی وڈ کی عالمی شہرت یافتہ اداکارہ پریانکا چوپڑا نے اپنے بھائی سدھارتھ چوپڑا کی شادی کی تقریبات کے دوران ایک ایسی زیور پہنا جو نہ صرف ان کی شان بڑھانے کا سبب بنا بلکہ وہ سب کی نگاہوں کا مرکز بھی بن گئیں۔ بھارتی میڈیا کے مطابق، پریانکا اپنے شوہر نک جونس اور سسرال کے دیگر افراد کے ساتھ امریکا سے بھارت پہنچی ہیں تاکہ وہ اپنے بھائی کی شادی کی تقریبات میں شرکت کریں۔

پریانکا چوپڑا کے گلے میں سجا یہ قیمتی ہار صرف ایک زیور نہیں بلکہ ایک شاہکار تھا، جس نے ان کے لباس کو مکمل طور پر نیا رنگ دے دیا۔ اس ہار کی قیمت 10 سے 12 کروڑ بھارتی روپے بتائی جا رہی ہے، جو یقینی طور پر ان کے مداحوں کو حیران کن لگا۔ ہار کی انفرادیت اس کی ساخت میں ہے کیونکہ یہ گلابی سونے سے بنایا گیا ہے، جس پر چھوٹے ہیرے جڑے ہیں اور کچھ قیمتی پتھروں کا استعمال بھی کیا گیا ہے۔

پریانکا چوپڑا کی مہنگی جیولری ہمیشہ خبروں میں ہوتی ہے، لیکن اس بار ان کا یہ شاندار ہار اس قدر پُرکشش تھا کہ نہ صرف اس کی قیمت بلکہ اس کی خوبصورتی بھی لوگوں کے ذہنوں میں بس گئی۔ اس ہار نے نہ صرف ان کی شخصیت کو مزید نکھارا بلکہ اس نے ان کی تقریب کو بھی ایک نئی شان بخشی۔