یہ ایک باپ ہے جو جانتا ہے بیٹیوں کے ساتھ کیسے پیش آنا ہے۔۔ فہد مصطفیٰ کا بچی کے ساتھ مثالی رویہ عوام کے دل پگھلا گیا ! ویڈیو

Fahad Mustafa Thoughtful Gesture Wins Hearts

"یہ عمل زبردست ہے،

"وہ ایک باپ ہیں اور جانتے ہیں کہ بچوں کی حفاظت کیسے کی جاتی ہے"

"فہد مصطفیٰ بہت ذہین اور عزت دار انسان ہیں"

پاکستان کے مشہور رمضان گیم شو "جیتو پاکستان لیگ" کا ہر سیزن ہمیشہ خبروں میں رہتا ہے، اور اس سال بھی اس کی دلچسپ گیمز اور وائرل کلپس نے دھوم مچا رکھی ہے۔ فہد مصطفیٰ کی توانائی اور جوش و خروش اس شو کی پہچان بن چکے ہیں، اور یہی وجہ ہے کہ مداح ان کی میزبانی کے انداز کو بے حد پسند کر رہے ہیں۔ حال ہی میں شو کا ایک اور کلپ سوشل میڈیا پر وائرل ہو رہا ہے، جس میں فہد مصطفیٰ کے ایک خوبصورت انداز نے سب کے دل جیت لیے ہیں۔

اس وائرل ویڈیو میں دیکھا جا سکتا ہے کہ فہد مصطفیٰ نے شو کے دوران ایک ننھی بچی کو اسٹیج پر بلایا جو بائیک جیت چکی تھی۔ جب فہد نے اپنی ٹیم کو اسے بائیک پر بٹھانے کے لیے بلایا، تو ایک مرد اسٹاف ممبر آگے بڑھا، لیکن فہد مصطفیٰ نے فوراً اسے روک دیا اور کہا کہ کسی خاتون اسٹاف ممبر کو بچی کی مدد کرنی چاہیے۔ سوشل میڈیا صارفین فہد مصطفیٰ کے اس عمل کی خوب تعریف کر رہے ہیں۔ ایک صارف نے لکھا، "یہ ایک شاندار فیصلہ تھا، جو بچوں کے تحفظ کی اہمیت کو اجاگر کرتا ہے۔" ایک اور صارف نے تبصرہ کیا، "ہمیں اس مرد اسٹاف ممبر کا بھی احترام کرنا چاہیے جو صرف اپنا کام کر رہا تھا اور اس کی کوئی غلط نیت نہیں تھی۔ فہد کا انداز قابل تعریف ہے، اور وہ شخص بھی ایک اچھا انسان ہے۔"

یہ خوبصورت لمحہ نہ صرف فہد مصطفیٰ کے مداحوں کی محبت میں اضافہ کر رہا ہے بلکہ اس نے ایک بار پھر ثابت کر دیا کہ وہ نہ صرف ایک بہترین میزبان بلکہ ایک حساس اور ذمہ دار شخصیت بھی ہیں۔