اب موبائل چارج کرتے ہوئے ہاتھ میں لے کر کھڑے ہونے کی ضرورت نہیں۔۔ پرانی بوتلوں سے موبائل ہولڈر بنانے کا طریقہ جس سے ہوئی بڑی مشکل آسان

گھروں میں پلاسٹک کی بہت سی خالی بوتلیں پڑی ہوتی ہیں جو بعد میں پھینک دی جاتی ہیں۔ آج ہم آپ کو ان بوتلوں کو دوبارہ استعمال کا زبردست طریقہ بتائیں گے جو آپ کو بہت فائدہ دے گا۔

آج ہم آپ کو چارجنگ کے لئے موبائل ہولڈر بنانا سکھا رہے ہیں۔ اکثر ایسا ہوتا ہے کہ چارج کرتے ہوئے موبائل کو رکھنے کی جگہ نہیں ہوتی یا پھر تار اتنا چھوٹا ہوتا ہے کہ موبائل کو سوئچ بورڈ سے زیادہ دور رکھنا ممکن نہیں ہوتا۔ تو آج ہم آپ کو ایسا ہولڈر بنانا سکھائیں گے جسے آپ ہر وقت اپنے ساتھ رکھ سکتے ہیں اور چارج کرتے ہوئے آسانی سے موبائل کو اس میں رکھ بھی سکتے ہیں۔

ہولڈر بنانے کا طریقہ

اس کے لئے آپ کو پلاسٹک کی کوئی بھی چپٹی شکل والی بوتل چاہیے۔ یہ بوتل شیمپو یا ٹوائلٹ کلینر ی بھی لی جاسکتی ہے۔ بوتل کو اندر سے اچھی طرح دھو کر گرم پانی میں ڈال دیں تاکہ اس کے اوپر لگے تمام اسٹیکرز نکل جائیں۔ اب کسی تیز چاقو کی مدد سے بوتل کو بیچ سے کاٹ لیں۔ نیچے والے حصے کو الگ کر کے چاگو گرم کر کے اوپری حصے میں سوراخ کریں۔ رہنمائی کے لئے دی گئی ویڈیو دیکھیں۔

استعمال کیسے کریں؟

اوپری حصے کو کاٹ کر جگہ بنانے کے بعد چارجر کو سوئچ میں لگائیں اور ہولڈر کے سوراخ سے تار گزار کر موبایل میں لگا دیں۔ یہ ہولڈر آپ آسانی سے چارجر کے اوپر بھی لڑکا سکتی ہیں۔ آپ کا موبائل آسانی سے چارج ہوجائے گا۔