مشہور بھارتی ڈرامے کی اداکارہ چل بسیں۔۔ موت کی وجہ کیا بنی؟

Pavitra Rishta Actor Priya Marathe Passes Away After Battle With Cancer

بھارتی شوبز دنیا ایک اور بڑے نقصان سے دوچار ہوگئی۔ مقبول اداکارہ پریا مراٹھے محض 38 برس کی عمر میں کینسر کے ہاتھوں زندگی کی بازی ہار گئیں۔ عرصہ دراز تک وہ اس جان لیوا مرض کے ساتھ بہادری سے لڑتی رہیں، مگر بالآخر یہ جنگ ہار گئیں۔ اپنی شاندار اداکاری اور بے مثال فن کی بدولت انہوں نے ہندی اور مراٹھی ڈراموں میں ایسا نقوش چھوڑا جو مداحوں کے دلوں میں ہمیشہ زندہ رہیں گے۔

2012 میں انہوں نے اداکار شانتانو موگھے سے شادی کی تھی اور یہ جوڑی مداحوں کے نزدیک مثالی سمجھی جاتی تھی۔ دلچسپ بات یہ ہے کہ پریا 2024 کے بعد انسٹاگرام پر زیادہ متحرک نہ رہیں۔ ان کی آخری پوسٹ 11 اگست 2024 کو آئی تھی، جس میں وہ اپنے شوہر کے ساتھ مسکراتی ہوئی دکھائی دی تھیں۔ یہ تصویر اب مداحوں کے لیے ایک قیمتی یاد بن چکی ہے۔

اداکارہ کی ناگہانی موت نے پوری انڈسٹری کو سوگوار کر دیا ہے۔ شوبز کی نمایاں شخصیات نے نہ صرف ان کی اچانک رخصتی پر گہرے دکھ کا اظہار کیا بلکہ ان کے فن، خوبصورت یادوں اور نڈر شخصیت کو زبردست الفاظ میں خراجِ تحسین پیش کیا ہے۔

یاد رہے اس سے قبل پَوِتّر رشتہ کے اداکار سوشانت سنگھ راجپوت بھی مبینہ خودکشی کے باعث چل بسے تھے۔