کم از کم فادرز ڈے پر تو یاد کر لیتے۔۔ عمیر رانا، بلال عباس سے ناراض کیوں ہیں؟ ویڈیو میں شکوہ

Omair Rana Upset With Bilal Abbas Video Viral

عمیر رانا، جنہیں پاکستانی ڈرامہ انڈسٹری کا ورسٹائل اسٹار کہا جائے تو بے جا نہ ہوگا، نے تھیٹر سے شوبز کا آغاز کیا اور پھر اپنی لاجواب اداکاری سے اسکرین پر چھا گئے۔

خاص طور پر اُن کا ’اسکرین باپ‘ کا کردار — جی ہاں، بلکل وہی جو وہ بار بار بلا ل عباس خان کے لیے ادا کرتے رہے — شائقین کو اتنا پسند آیا کہ کئی لوگ بھول ہی گئے کہ عمیر رانا خود بھی جوان ہیں۔

لیکن اب جناب، عمیر رانا نے ہنسی مذاق میں ایک زبردست گلہ کر ڈالا!

انسٹاگرام پر جاری کردہ ایک دلچسپ ویڈیو میں عمیر رانا نے بلال عباس کو مخاطب کرتے ہوئے کہا، سنڈے، منڈے، ٹیوزڈے… کئی دن گزر گئے بیٹا، اور میں اب تک تمہارے فادرز ڈے وش کا منتظر ہوں۔"

انہوں نے مزید کہا، "میں نے جوانی میں تمہارا باپ بن کے دکھایا، تمہیں کم از کم ایک دن ہی سہی، یاد تو کرنا چاہیے تھا۔۔ اور پھر کہتے ہو، آپ مجھے آن اسکرین مارتے کیوں ہیں؟"

یہ مزاحیہ شکوہ سوشل میڈیا پر وائرل ہو گیا، اور بلال عباس کے مداحوں نے بھی خوب تبصرے کیے۔

کسی نے لکھا، "اب بلال کو عمیر رانا صاحب کو فادرز ڈے وش کر ہی دینا چاہیے، آخر باپ تو رہے ہیں کئی ڈراموں میں۔"

دلچسپ بات یہ ہے کہ بلال عباس کی اصل فادرز ڈے پوسٹ نے بھی انسٹاگرام پر کافی توجہ حاصل کی، لیکن لگتا ہے ’ڈرامائی والد‘ کو یاد کرنا وہ بھول گئے۔

عمیر رانا کی حسِ مزاح، شاندار اداکاری اور فنکارانہ شکوہ ایک بار پھر دلوں کو چھو گیا — اور ناظرین کو یہ یاد دلا گیا کہ ایک فنکار کا دل بھی ہوتا ہے، اور کبھی کبھار وہ بھی بچوں کی طرف سے ایک وش کے منتظر ہوتے ہیں۔