وہ میرا کزن ہے۔۔ نیویارک کے نئے میئر ظہران ممدانی کی جنید خان اور ارسلان نصیر سے مشابہت! اداکاروں نے کیا کہا؟

NYC Mayor Zohran Mamdani Look Alike Junaid Khan And Arsalan Naseer

نیویارک سٹی کے نومنتخب میئر ظہران ممدانی نے پوری دنیا میں دھوم مچا دی ہے! 34 سالہ یہ باصلاحیت نوجوان بھارتی نژاد مسلمان سیاستدان ہیں جنہوں نے ڈیموکریٹک پارٹی کے پلیٹ فارم سے الیکشن لڑا — اور نوجوان ووٹرز کے زبردست اعتماد کے ساتھ کامیابی حاصل کی، باوجود اس کے کہ سابق امریکی صدر ڈونلڈ ٹرمپ ان کے سخت مخالف تھے۔

دنیا بھر کے مسلمان اس تاریخی جیت پر خوشی منا رہے ہیں، لیکن پاکستان میں ظہران ممدانی کسی اور ہی وجہ سے چرچا میں ہیں — ان کی شکل حیرت انگیز طور پر پاکستانی اداکار و گلوکار جنید خان سے ملتی ہے، جبکہ کچھ لوگوں نے انہیں ارسلان نصیر سے بھی ملایا۔

اسی طرح ارسلان نے بھی ممدانی سے اپنی مشابہت پر ہلکے پھلکے طنزیہ انداز میں ایک صارف کو جواب دیتے ہوئے کہا، "ہاں بھائی، سچ ہے، وہ میرا کزن ہی ہے۔"

سوشل میڈیا پر ممدانی کی ویڈیوز وائرل ہوتے ہی پاکستانی صارفین نے ان کی مشابہت پر دلچسپ تبصرے شروع کر دیے۔

کسی نے کہا، یہ تو جنید خان کی فوٹو کاپی لگ رہے ہیں۔

جبکہ ایک صارف نے لکھا، بھائی! یہ تو کال بینڈ والے جنید خان ہیں بس امریکی ورژن۔

ایک اور نے مزاحیہ انداز میں کہا، یہ جنید خان اور پنکج تریپاٹھی کا زبردست مکسچر ہیں۔

اب لوگ سیاسی بحث سے زیادہ اس بات پر گفتگو کر رہے ہیں کہ آیا نیویارک کے میئر کی شکل واقعی ان سے ملتی ہے یا یہ صرف سوشل میڈیا کی آنکھ کا دھوکا ہے؟