صرف مہندی لگوانے کے لئے لاکھوں روپے دیتی ہیں۔۔ آخر اس عورت کی مہندی میں کیا خاص بات ہے جو امبانی خاندان کی عورتیں ہر بار اسے ہی بلاتی ہیں؟

"مکیش امبانی کی والدہ کوکیلا بین نے مجھے ٹیلی فون اور کارڈ رکھنے کا مشورہ دیا تھا اور تب ہی میں نے ایسا کرنے کا فیصلہ کیا۔" وینا ناگدا نے یہ انکشاف کیا جب انہوں نے پہلی بار امبانی خاندان کے ساتھ اپنے تعلقات کا ذکر کیا۔

مہندی کی دنیا میں اپنی منفرد پہچان بنانے والی وینا ناگدا نے اپنے فن سے بالی وڈ کی نامور شخصیات جیسے دیپیکا پڈوکون، عالیہ بھٹ، ٹوئنکل کھنہ اور کریتی کھربندا کو بھی سجا کر شہرت حاصل کی۔ کرن جوہر نے انہیں "مہندی کوئن آف بالی وڈ" کا خطاب دے کر ان کی مہارت کو سراہا۔

لیکن وینا کا تعلق صرف بالی وڈ سے ہی نہیں، بلکہ بھارت کے سب سے امیر خاندان، امبانی خاندان سے بھی ہے۔ انہوں نے ایک انٹرویو میں بتایا کہ جب پہلی بار امبانی خاندان کی خواتین اور بچیوں کے ہاتھوں کو مہندی سے سجایا، تو انہیں 25 لاکھ روپے ملے تھے۔

وینا نے کہا، "جب میں پہلی بار امبانی کے گھر گئی، تو پڑوسیوں نے مجھے بہت زیادہ فیس لینے کا مشورہ دیا تھا، لیکن میری والدہ نے مجھے نصیحت کی تھی کہ میں ہمیشہ وہی فیس لوں جو میں باقی کسٹمرز سے لیتی ہوں، چاہے وہ امبانی خاندان ہو یا کوئی اور۔"

انہوں نے اپنی یادوں کو تازہ کرتے ہوئے بتایا کہ کس طرح 6 سال کی ایشا امبانی اور شلوکا مہتا کے ہاتھوں کو مہندی سے سجایا تھا، اور اس وقت امبانی خاندان نے انہیں بطور مہندی آرٹسٹ منتخب کیا تھا۔ وینا کے مطابق، وہ دھیرو بھائی امبانی کی تقریب میں بھی شریک ہوئیں اور ان کی بیٹیوں کے ہاتھوں کو مہندی سے سجایا۔

وینا نے نیتا امبانی کی تعریف کرتے ہوئے بتایا کہ جب انہیں پیرس اولمپکس 2024 میں ہندوستانی ثقافت کو اجاگر کرنے کے لئے دعوت دی گئی تو وہ بہت متاثر ہوئیں۔ نیتا کی ہدایت پر وینا نے اولمپک رنگ کے ڈیزائن میں ہندوستانی ثقافت کے عناصر، جیسے کمل اور مور، شامل کیے۔