غصے میں لیپ ٹاپ اور ٹی وی توڑ دیا۔۔ یاسر نواز کی کس حرکت پر ندا یاسر آپے سے باہر ہوگئی تھیں؟

Nida Yasir Reveals Why She Broke Husband Laptop And TV

پاکستان کی مارننگ شو کی کوئین ندا یاسر اور ان کے شوہر، معروف ہدایتکار و اداکار یاسر نواز، دو دہائیوں سے خوشگوار ازدواجی زندگی گزار رہے ہیں۔ لیکن جیسے ہر شادی میں تھوڑا مسئلہ ہوتا ہے، ویسے ہی ان کی زندگی میں بھی کبھی کبھار "ڈرامائی سینز" ہو جاتے ہیں۔

حال ہی میں یاسر نواز نے ایک انٹرویو میں انکشاف کیا کہ ندا نے ایک بار ان کا لیپ ٹاپ توڑ دیا تھا۔ وجہ؟ وہ ایک اداکارہ کو کاسٹ کرنے کی بات کر رہے تھے اور ندا اس پر کافی ناراض ہو گئیں۔ یاسر کے مطابق، ندا نے غصے میں آ کر لیپ ٹاپ پر "چھلانگ" لگا دی اور وہ تباہ ہو گیا۔

لیکن ابھی کہانی ختم نہیں ہوئی۔۔

ندا یاسر نے اپنے مارننگ شو میں اس واقعے کی اصل کہانی بتا دی۔ انہوں نے کہا کہ، یاسر نے اپنے لیپ ٹاپ کی اسکرین پر اپنی اور ایک اداکارہ کی تصویر لگا رکھی تھی... وہ مجھے جَلانے کی کوشش کر رہے تھے، اور وہ کامیاب ہو گئے۔ نتیجہ؟ لیپ ٹاپ کا خاتمہ۔

ندا نے مزید بتایا کہ یاسر بعض اوقات جان بوجھ کر انہیں غصہ دلاتے تھے۔ جیسے کہ رات کو دیر تک ٹی وی دیکھنا، صرف انہیں چڑانے کے لیے! اور ندا نے جوابی وار میں ٹی وی پر پانی کی بوتل دے ماری۔ جی ہاں، وہی ٹی وی جو خود ندا نے خریدا تھا۔

ندا نے شو کے آخر میں ایک زبردست مشورہ بھی دے ڈالا

مرد حضرات! اپنی بیویوں کو جلانے کی کوشش نہ کریں، ورنہ نتائج آپ کے لیپ ٹاپ یا ٹی وی کی صورت میں نکل سکتے ہیں۔

تو کیا آپ نے کبھی ایسے غصے میں کوئی چیز توڑی ہے؟ یا آپ بھی کسی ندا یا یاسر جیسے لمحے کا شکار ہو چکے ہیں؟ کمنٹس میں ضرور بتائیں!