یہ پانی 80 فیصد بیماریوں سے محفوظ رکھتا ہے ۔۔ سردی میں نیم گرم پانی پینے کے وہ فائدے جو ڈاکٹرز بھی بتاتے ہیں، اس میں کتنی بیماریوں کا علاج ہے؟

نیم گرم پانی کا استعمال کرنے کے طبی ماہرین کئی فوائد بتاتے ہیں۔ نیم گرم پانی ٹھنڈے پانی کے مقابلے میں زیادہ معاون ہوتا ہے جس سے وزن میں کمی، نزلہ زکام سے نجات ملتی ہے۔

نیم گرم پانی ذائقہ نہ ہونے کے باوجود یہ ایک لازوال علاج ہے جو آپ کی متعدد طریقوں سے مدد کرتا ہے، آپ کی جلد سے لے کر مجموعی صحت تک پانی قدرتی خصوصیات سے بھرپور ہے۔

نیم گرم پانی سے متعلق ایک پروگرام میں ڈاکٹر اظہر خان نے بتایا کہ اگر ہم پانی بطور دوا استعمال کریں تو 80 فیصد بیماریوں سے محفوظ رہ سکتے ہیں، اس کا طریقہ یہ ہے کہ صبح نہار منہ دو گلاس نیم گرم پانی پیتے ہوئے زیادہ سے زیادہ گھونٹ لیں اور بہت آرام اور آہستہ سے پیئیں۔

ان کا کہنا تھا کہ موسم سرما میں جسم میں پانی کی کمی ہوجاتی ہے کیونکہ پانی کم پیاجاتا ہے لیکن یاد رکھیں روزانہ 6 سے آٹھ گلاس پانی ہر انسان کی ضرورت ہے۔

ڈاکٹر اظہر خان نے بتایا کہ پانی کی کمی کا شکار افراد قبض کا شکار ہو سکتے ہیں ایسے افراد اگر مناسب وقت کے ساتھ نہار منہ گرم پانی کا استعمال کریں تو اس سے ایک جانب تو ہاضمے میں مدد ملتی ہے اور دوسری جانب اس سے قبض کا بھی خاتمہ ہوتا ہے۔

یاد رکھیں نیم گرم پانی سے قطعی مراد کھولتا ہوا پانی پینا ہرگز نہیں ہوتا ہے بلکہ اس سے مراد یہ ہے کہ پانی کا درجہ حرارت 54 سے 71 ڈگری سینٹی گریڈ کے درمیان ہو۔ اس سے زيادہ گرم پانی منہ میں چھالے بننے کا سبب بن سکتا ہے۔