دودھ کے بعد مرغی کے گوشت کی قیمت میں بھی اضافہ، حکومت نے مرغی کی قیمت کتنی کر دی کہ دعوت کرنا بھی مشکل؟

گھر پر مہمان آئیں یا کوئی دعوت ہو مرغی کا گوشت پکانا تو ایک عام روایت ہے۔ مہمان یا گھر آیا کوئی بھی شخص کھانے میں دال چاول یا سبزی کھا کر چلا جائے تو وہ سارے جہان میں بدنام کردیتا ہے کہ دیکھو کیسے مجھے سادہ کھانا کھلا کر فارغ کردیا گیا۔ لیکن آج کل مرغی کی بڑھتی ہوئی قیمتوں سے کسی مہمان کو مرغی کھلان بھی مشکل ہو تا جا رہا ہے۔

مہنگائی کے اس دور میں حکومت نے مرغی کی سرکاری قیمتیں بڑھا کر 370 روپے سے 400 روپے کردی ہے، جو غریب کی پہنچ سے دور ہوگئی ہے۔ ماضی میں مرغی فی کلو 500 روپے میں فروخت ہو رہی تھی لیکن پھر کمی آئی اور سیلاب کے بعد یہ قیمتیں ایک مرتبہ پھر سے بڑھ گئیں ہیں۔ حکومت اور متعلقہ اداروں کو چاہیے کہ ان قیمتوں کے بڑھتے ہوئے حال پر کچھ ہوش کے ناخن لیں۔

پچھلے دنوں دودھ کی قیمت 200 روپے تک بڑھا دی گئی تھی جس پر احتجاج کے بعد یہ قیمتیں اب 180 روپے فی کلو ہے لیکن امکان یہ ہے کہ کچھ دنوں بعد دودھ کی قیمت ایک مرتبہ پھر 200 فی کلو تک پہنچ جائے گی۔
ملک بھر میں مہنگائی کی شرح بڑھتی جا رہی ہے، کھانے پینے کی ہر چیز پر 2 فیصد کے حساب سے زیادتی حیران کن ہے۔