میرب علی نے عاصم اظہر سے بریک اپ پر خاموشی توڑ دی! پوسٹ میں کیا لکھ دیا؟

Merub Ali Ne Breakup Par Kya Post KI

سوشل میڈیا پر ہمیشہ باوقار اور خاموش رہنے والی میرب علی نے بالآخر وہ بات کہہ دی جس کا مداحوں کو بےصبری سے انتظار تھا۔ عاصم اظہر سے بریک اپ کے بعد پہلی بار میرب نے اپنی انسٹاگرام اسٹوری کے ذریعے دل کی کیفیت بیان کی – مختصر، مگر بہت کچھ کہہ جانے والا جملہ۔

اللّٰہ میرے دل کی بات جانتا ہے، وہی میرے لیے کافی ہے

یہ الفاظ نہ صرف میرب کے اندرونی سکون کی جھلک دکھاتے ہیں بلکہ یہ بھی ثابت کرتے ہیں کہ وہ اپنی نجی زندگی کو کس طرح وقار کے ساتھ سنبھال رہی ہیں۔

دوسری اسٹوری میں ایک خوبصورت گلدستہ اور ایک چھوٹا سا نوٹ نظر آیا، جس پر حضرت علیؑ کا وہ مشہور قول درج تھا جو مشکل گھڑی میں حوصلے اور صبر کا استعارہ بن جاتا ہے۔ یہ ایک خاموش مگر گہرا پیغام تھا – جیسے وہ کہہ رہی ہوں، میں ٹوٹ تو گئی ہوں، لیکن بکھری نہیں ہوں۔

جہاں کچھ صارفین نے میرب کی خاموشی کو وقار کی علامت قرار دیا، وہیں کچھ ناقدین نے اسے "توجہ حاصل کرنے کی کوشش" کہا۔ ان کا مؤقف تھا کہ جب انفلوئنسرز اپنی زندگی سوشل میڈیا پر لے آتے ہیں، تو پھر پرائیویسی کی شکایت کیوں؟

یاد رہے میرب اور عاصم تین سال تک ایک ساتھ مختلف تقریبات اور سوشل میڈیا پر نظر آتے رہے۔ مداح انہیں ایک "ڈریم جوڑی" مانتے تھے۔ مگر حالیہ دنوں عاصم کی انسٹاگرام پوسٹ نے اس خوبصورت رشتے کے اختتام پر مہر ثبت کر دی۔