منہ ٹیڑھا کرکے بولنا، اداکاری کرنا نہیں ہوتا ، شاہ رُخ خان بھی شرما جائے ۔۔ مائی ری میں عینی کی بیکار ایکٹنگ پر سوشل میڈیا صارفین نے تنقید کے نشتر برسا دیے

پاکستانی ڈرامے ہمیشہ سے ہی اچھے موضوع پر بنتے آئے ہیں لیکن کبھی کبھی کوئی ڈرامہ حد سے آگے نکل جاتا ہے جیسے کہ مائی ری ڈرامہ۔ یہ ان دنوں کافی مقبول ہو رہا ہے، اس شو میں بچوں کی شادی کے حساس موضوع کو پیش کیا گیا ہے۔ اس ڈرامے میں اسکول جانے والے دو نوجوان طالب علموں کی کہانی پیش کی گئی ہے جنہیں ان کے گھر والوں نے زبردستی شادی پر مجبور کیا تھا۔

گزشتہ دنوں اس ڈرامے کا ایک سین سوشل میڈیا پر خوب گردش کر رہا ہے جس میں نوجوان اداکارہ عائنہ آصف (عینی) کی اداکاری کو تنقید کا نشانہ بنایا جا رہا ہے۔ پہلے یہ سین دیکھیں

مداحوں کو مخصوص سین میں عینی کی اداکاری پسند نہیں آئی، ان کا کہنا ہے کہ وہ اس سے زیادہ اچھی اداکاری کر سکتی ہیں۔ ناظرین نے یہ بھی کہا کہ انہیں اپنی اداکاری کی مہارت کو بہت بہتر کرنے کی ضرورت ہے وہ بہت گندی ایکٹنگ کر رہی ہیں۔ شائقین یہ بھی کہہ رہے ہیں کہ وہ اس سین کو بہتر بنانے کے چکر میں اوور ایکٹنگ (اضافی اداکاری) کر رہی ہیں۔

شائقین نے اس سین میں شاہ رخ خان کے کاپی کیے گئے ڈائیلاگ کو بھی ٹرول کیا، ان کا کہنا تھا کہ عینی دیوداس والے شاہ رخ خان کی نقل کرنے کی کوشش کر رہی ہیں جس میں وہ بری طرح فیل ہوگئی ہیں۔

مداحوں کے مطابق وائرل سین کی سب سے پریشان کن بات اداکاروں کا غلط تلفظ تھا، خاص طور پر جب وہ "خ" حروف تہجی سے شروع ہونے والے الفاظ بول رہے تھے۔