پسند نہ آئے تو خاموش رہیں، ہر چیز میں ۔۔ مائی ری ڈرامے کے اختتام پر تنقید کرنے والوں کو مایا خان کا منہ توڑ جواب

مائی ری ڈرامہ شروعات سے ہی موضوع بحث بنا ہوا تھا کچھ لوگ اسے پسند کر رہے تھے جبکہ کچھ اس پر تنقید۔ لیکن اس سب کے باوجود یہ ڈرامہ ایک سپر ہٹ ثابت ہوا اور آخر اپنے اختتام کو پہنچا۔

ڈرامے کے اختتام پر لوگوں کی ملی جلی رائے تھی، کچھ کا کہنا تھا کہ اس ڈرامے میں کوئی بھی مثبت پہلو دکھائی نہیں دیا، صرف طلاقوں کو پروموٹ کیا گیا۔ جبکہ کچھ نے یہ سوال اٹھایا کہ کیا طلاق کے بنا تعلیم ممکن نہیں تھی؟ یا لڑکی کیلیئے شادی کے بعد پڑھائی کرنا ممکن نہیں؟

ایسے کئی سارے سوال ڈرامے کے اختتام پر اٹھائے گئے جن میں نہ صرف سوشل میڈیا صارفین شامل تھے بلکہ چند مشہور شخصیات نے بھی ڈرامے کو نتقید کا نشانہ بنایا۔

ان تمام منفی ردِعمل کو دیکھتے ہوئے مایا خان بھی خاموش نہ رہ پائیں اور اپنے ڈرامے کے حق میں سامنے آگئیں اور سوشل میڈیا پلیٹ فارم کے ذریعے تنقید کرنے والوں کو آڑے ہاتھ لیتے ہوئے ایک پوسٹ شیئر کی۔ جس میں انہوں نے لکھا کہ،

"ہر چیز میں کودنے کی ضرورت نہیں ہوتی، خاموش رہ کر بھی کبھی دیکھیں اچھا ہوتا ہے صحت کے لیئے۔ جس چیز سے آپ خود نہ گزرے ہوں اسکا درد کیا ہوتا ہے آپ کو معلوم نہیں۔"