طلاق کے بعد جنید صفدر دوبارہ دلہا بننے کے لئے تیار۔۔ ہونے والی دلہن کون ہے؟

Maryam Nawaz Son Junaid Safdar Set For Second Marriage

پنجاب کی وزیراعلیٰ مریم نواز کے صاحبزادے اور سابق وزیراعظم نواز شریف کے نواسے جنید صفدر ایک بار پھر اپنی ذاتی زندگی کے ایک نئے باب کا آغاز کرنے جا رہے ہیں۔ باوثوق ذرائع نے اس بات کی تصدیق کی ہے کہ جنید صفدر کا رشتہ طے پا گیا ہے اور عنقریب لاہور میں ان کی منگنی کی تقریب منعقد ہوگی۔

خبروں کے مطابق جنید کی منگیتر کوئی اور نہیں بلکہ مسلم لیگ (ن) کے قائد نواز شریف کے قریبی رشتہ دار کی نواسی ہیں۔ ان کا رشتہ عثمان جاوید کی صاحبزادی سے طے ہوا ہے، جو میاں طارق شفیع کے صاحبزادے ہیں۔ طارق شفیع، نواز شریف کے چچا زاد بھائی جاوید شفیع کے بھائی ہیں، جو کہ اتفاق گروپ انڈسٹریز کا ایک نمایاں نام ہیں۔

خاندانی ذرائع کا کہنا ہے کہ یہ فیصلہ ماڈل ٹاؤن میں نواز شریف کی رہائش گاہ پر ہونے والی ایک نجی ملاقات کے دوران کیا گیا، جس میں دونوں خاندانوں کے اہم افراد، بشمول نواز شریف، مریم نواز اور طارق شفیع شریک تھے۔

ذرائع نے بتایا، رشتہ باقاعدہ طے پا چکا ہے، اور اب منگنی کی تاریخ جلد طے کی جائے گی۔ نکاح کی تقریب بھی دونوں خاندانوں کی باہمی مشاورت سے طے ہوگی۔

یاد رہے کہ یہ جنید صفدر کی دوسری شادی ہوگی۔ ان کی پہلی شادی 2021 میں لندن کے مشہور ہوٹل ’دی لینسبرو‘ میں عائشہ سیف سے ہوئی تھی، جو قطر میں مقیم معروف بزنس مین سیف الرحمان کی بیٹی تھیں۔ بدقسمتی سے یہ رشتہ زیادہ دیر نہ چل سکا اور دونوں نے اکتوبر 2023 میں راہیں جدا کر لیں۔

اب سب کی نظریں جنید صفدر کی اس نئی شروعات پر لگی ہیں۔ کیا اس بار قسمت ان پر مہربان ہوگی؟ منگنی کی تاریخ کا سب کو بے صبری سے انتظار ہے۔