پیشاب نہ آنے کا مسئلہ ہو یا ورم اور سوجن ۔۔ مکو سب ٹھیک کردے گا ! جانیں عرقِ مکو کب پینا چاہیئے اور اسکے کیا کیا فائدے ہیں؟

مکو کو انگریزی میں نگرم کہتے ہیں۔ یہ ایک جڑی بوٹی ہے اور قدیم گھریلو علاج کے طور پر جانی جاتی ہے جو کہ بہت ہی نایاب اور فائدے میں اپنا کوئی ثانی نہیں رکھتی۔ مکو دانہ زیادہ تر ادویات میں استعمال کیا جاتا ہے، اگر اسے کچا استعمال یا جائے تو ذائقہ تلخ جبکہ پکے ہوئے مکو کا ذائقہ شیریں ہوتا ہے، اس کی میں موجود غذائی اجزاء میں وٹامن اے، ای، اور سی کے علاوہ نمکیات، کیلشیم، فاسفورس، فولاد شامل ہوتے ہیں۔

آج ہم آپ کو بتائیں گے اس مکو کے پانی کے فائدے اور اس کو استعمال کرنے کا صحیح وقت۔ تو چلیئے جانتے ہیں مکو کے بارے میں۔

مکو کا پانی کب پینا چاہیئے؟

مکو کا پانی یا عرق کبھی بھی نہار منہ نہیں پینا چاہیئے، بلکہ اسے استعمال کرنے کا مناسب وقت صبح ناشتے کے بعد ہے۔ اسلیئے کوشش کریں کہ اسے صبح سویرے پیئیں۔

مکو کے پانی کے فائدے:

۔ خشک مکو دانہ کا پانی استعمال کرنے سے جسم کی اندرونی اور بیرونی ہر قسم کی سوجن سے نجات مل سکتی ہے۔

۔ جگر کے ورم اور معدے کے ورم کی صورت میں خشک مکو دانہ اور اس کے پتوں کا پانی اُبال کر انہیں چھان کر پینے سے بہت اچھے نتائج حاصل ہوستے ہیں۔

۔ یہ جڑی بوٹی پیشاب آور ہے جبکہ حرارت اور پیاس کو تسکین دیتی ہے۔

۔ اگر آپ کے پیٹ میں کیڑے ہوجائیں تو اس حالت میں بھی اس کا پانی پینا بہت مفید ہے۔

۔ مکو دانہ خواتین کے لئے ایک بہترین بوٹی ہے، اس کے استعمال سے خواتین کے رحم میں موجود ورم بھی ختم کیا جا سکتا ہے، بس اس کے لئے اس کے پتوں کے نیم گرم پانی میں کپڑا بھگو کر پیٹ کے نچلے حصے پر لگائیں۔

۔ مکو دانہ کا پانی پینے سے جہاں جسم کے اندرونی اور بیرونی اعضاء کا ورم اور سوجن ختم ہوتی ہے وہیں وزن بھی کم ہوتا ہے۔ وزن میں کمی اور ورم دور کرنے کے لئے اس کا پانی باقاعدگی سے استعمال کریں۔

۔ مکو کی جڑ کا جوشاندہ بنا کر پینے سے نیند بھی اچھی آتی ہے۔