معصوم بیٹا بھی ماں کو دُلہن کے روپ میں حیرت سے دیکھتا رہا ۔۔ ماہرہ خان کی شادی کی نئی تصاویر، جیسے چاند اُترا ہو زمین پر، ویڈیو

ماہرہ خان کی شادی ان دنوں کافی چرچہ میں ہے، ہر کوئی اسی بارے میں بات کر رہا ہے، اور کرے بھی کیوں ناں انکی شادی کسی پریوں کی کہانی سے کم تھوڑی تھی۔

گزشتہ دو دن سے مختلف سوشل میڈیا پلیٹ فارم پر ان کی شادی کی تصاویر اور ویڈیوز وائرل ہورہی ہیں اور اب اداکارہ نے اپنے پرستاروں کے لیے خود اپنی شادی کی خصوصی تصاویر اور ویڈیوز شیئر کر دی ہیں۔

ان کی شادی کی تصویروں کو فیشن فوٹو گرافر شہباز شازی نے انتہائی خوبصورت انداز میں عکس بند کیا ہے کہ ڈھلتی شام، وادی کے بیچ ماہرہ خان اور ان کے عقب سے جھانکتی سُنہری روشنی۔۔ ایسے جیسے چاند اُترا ہو زمین پر۔

اس سے پہلے اداکارہ نے اپنے ہمسفر کی خوبصورت تصویر شیئر کرتے ہوئے "بسمہ اللّٰہ" اور "الحمداللّٰہ" لکھا تھا۔

ماہرہ خان نے اس یاد گار دن کی ایک ویڈیو بھی شیئر کی ہے اور ساتھ ہی لکھا ہے، "میرا شہزادہ سلیم"۔

اس ویڈیو میں وہ اپنے بھائی اور بیٹے کا ہاتھ تھامے اسٹیج کی جانب بڑھ رہی ہیں، اور کچھ مناظر میں وہ اپنے بیٹے کے ساتھ خوشی و غمی کے لمحات بانٹتے ہوئے بھی دکھائی دے رہی ہیں۔

ماہرہ خان کی اس ویڈیو پر اداکارہ مونی رائے، ملائکہ اروڑا، مایا علی، ایمن خان، منال، عروہ حسین اور صبور علی سمیت دیگر اداکاروں نے مبارکباد پیش کی ہے۔