کبھی شادی، کبھی طلاق اور کبھی ۔۔ فیروز خان اور اہلیہ کے درمیان علیحدگی پر حمائمہ ملک کا بڑا بیان سامنے آگیا

پاکستانی اداکار فیروز خان کی دوسری اہلیہ زینب سے علیحدگی کی افواہوں پر بہن حمائمہ ملک نے سوشل میڈیا صارفین کو آڑے ہاتھوں لے لیا۔

گزشتہ چند دنوں سے سوشل میڈیا پر زینب کے اکاؤنٹ کے نام سے منسوب کچھ اسکرین شاٹس وائرل ہورہے ہیں جس میں زینب کی جانب سے لکھا گیا کہ، میری اور فیروز کی علیحدگی ہوگئی ہے اور یہ میری زندگی کا مشکل ترین فیصلہ تھا۔

مگر زرائع سے معلوم ہوا ہے کہ یہ تمام اسکرین شاٹس جعلی ہیں، جس کا ثبوت زینب کی حالیہ انسٹاگرام اسٹوری ہے، جس میں وہ اور فیروز ایک جم میں موجود ہیں۔

ان افواہوں کی روک تھام کے لیئے حمائمہ ملک نے یہی اسکرین شاٹ شیئر کرتے ہوئے ناقدین کو کھری کھوٹی سنا دی۔

حمائمہ نے لکھا، اللہ کے لوگو! فیروز اور زینب جاگنگ پر گئے ہیں اور انکے بچے سلطان اور فاطمہ میرے ساتھ بیٹھے فلم دیکھ رہے ہیں، آپ لوگ اللہ سے ڈریں، فیروز سے آگے جہان اور بھی ہیں۔

انہوں نے مزید کہا کہ، آپ لوگ کبھی شادی، کبھی طلاق اور کبھی افیئر کی خبریں پھیلا دیتے ہیں، برائے مہربانی یہ ہماری فیملی ہے، اور ہم سب ایک دوسرے کے ساتھ بے حد خوش ہیں۔

واضح رہے کہ فیروز خان کی پہلی شادی 2018 میں علیزا سلطان سے ہوئی تھی، بعدازاں 2022 میں ان کی طلاق کے بعد، علیزا نے فیروز پر الزام عائد کیا تھا کہ وہ انہیں تشدد کا نشانہ بناتے تھے۔