لڑکا بچ نہیں سکتا ، گھر والے آخری مرتبہ آکر دیکھ لیں ۔۔ ماں کی دعا نے کیسے اس معذور نوجوان کو موت کے منہ سے نکالا؟ افسوسناک کہانی

چلتے پھرتے انسان کے ساتھ کب کونسا حادثہ پیش آجائے یہ خدا ہی جانتا ہے۔ حادثات میں جہاں لوگوں کی زندگی ختم ہوجاتی ہے وہیں اگر جان بچ بھی جائے تو وہ زندگی بھر کے لیے معذور ہوجاتا ہے، کئی لوگ ٹھیک بھی ہوجاتے ہیں۔

آج ایک ایسے نوجوان کے بارے میں آپ کو بتانے جا رہے ہیں جس کے ساتھ خطرناک حادثہ پیش آیا مگر ماں کی دعا اسے موت کے منہ سے واپس کھینچ لائی۔

نوجوان فزیوتھراپسٹ ہے مگر حادثے نے اسے وہیل چئیر پر پہنچا دیا ہے۔ نوجوان نے بتایا کہ میں رکشے میں جا رہا تھا کہ ایک ڈالا رکشے سے اچانک ٹکرایا جس نے براہ راست مجھے ٹکر ماری تھی جس کے نتیجے میں میری پانچ ہڈیاں فریکچر ہوگئیں تھیں جن میں مرا ایک بازو، ٣ انگلیاں اور کولہے کی ہڈی فریکچر ہوگئی تھی۔

نوجوان نے بتایا کہ مجھے ڈاکٹروں کے پاس لے جایا گیا جہاں میرا ڈاکٹروں نے معائنہ کیا۔ میں بے ہوشی کی حالت میں تھا میں نے کب نمبر بولا مجھے کچھ یاد نہیں تھا۔ اتفاق سے میرے مامو کا نمبر لگ گیا۔ ڈاکٹر نے انہیں جواب دے دیا کہ آپ کا بچہ بچ نہیں سکتا اس کے گھر والے اس کو آخری مرتبہ آکر دیکھ لیں۔

میرے ماموں نے ڈاکٹروں سے بات کی، ڈاکٹروں نے میرے ماموں کو فوری طور پر خون کا انتظام کرنے کا کہا۔ نوجوان نے بتایا کہ ایک شخص میرے بستر پر نموار ہوا ،میرے ماموں نے اس سے پوچھا کہ بھائی تم کیا کرتے ہو تو اس نے کہا کہ میں انہیں اپنا خون فراہم کروں گا۔

نوجوان کا کہنا تھا کہ اتفاق سے اس کا بلڈ گروپ میرے بلڈ گروپ سے میچ کر گیا۔ ماموں نے کہا کہ اس شخص کا شکریہ ادا کرلو تو وہ کہاں گیا آج تک اس کا پتہ نہ چل سکا شاید کوئی فرشتہ تھا۔

نوجوان کے ساتھ آگے کیا ہوا دیکھئے ڈیجیٹل پاکستان کی نیچے دی گئی ویڈیو میں۔