شوہر کی خوشی کی خاطر دوسری شادی کی اجازت دی.. کیا کرن ناز کے شوہر نے دوسری شادی کر لی ہے؟ انٹرویو میں نئے انکشافات

"میری بات پر اخبارات نے شہ سرخیاں لگائیں کہ کرن ناز کے ساتھ دھوکا ہوگیا اور میرے شوہر نے دوسری شادی کرلی لیکن حقیقت میں ایسا کچھ نہیں ہوا تھا۔ اپنے شوہر کو دوسری شادی کی اجازت میں نے نہیں بلکہ اسلام نے دی ہے اور میں مذہب کے خلاف نہیں جا سکتی"

یہ کہنا ہے کرن ناز کا جو کئی سالوں سے میزبانی کے فرائض نبھا رہی ہیں. کرن ناز نے حافظ احمد کے پوڈ کاسٹ میں شرکت کرتے ہوئے شوہر کو دوسری شادی کی اجازت کے حوالے سے بات کرتے ہوئے کہا کہ میں کیسے شریعت کے خلاف جا سکتی ہوں میں شریعت اور مذہبی احکامات پر عمل کرنے کے حوالے سے بلکل کلیئر ہوں اور میرے ذہن میں کوئی خرافات نہیں کہ شریعت کی تشریح اپنی مرضی اور فائدے کے لیے کروں.

کرن ناز کا کہنا تھا کہ شریعت نے مرد کو ایک یا دو نہیں تین تین شادیوں کی اجازت دے رکھی ہے پھر میں کون ہوتی ہوں ان کو روکنے والی.

"میرے شوہر بہت اچھے ہیں انھوں نے میری ہر خواہش پوری کی ہے لیکن اگر انھیں لگے کہ انہیں مزید خوش رہنے کے لیے دوسری شادی کی ضرورت ہے تو میں ان کی خوشی کی خاطر اتنا تو کر سکتی ہوں البتہ میں اتنی پیاری ہوں کہ میرے میاں دوسری شادی کر ہی نہیں سکتے۔"

کرن ناز نے انکشاف کیا کہ جب انھوں نے یہ بیان دیا تھا تب ان پر خواتین نے بہتزیادہ تنقید کی تھی اور کئی دوستیں ناراض بھی ہوگئیں وہ کہتی تھیں کہ ان کی بات کے بعد مرد انہیں طعنے دیتے ہیں۔