عمران اشرف نے صرف ایک دن کا وقت دیا تھا اور.. میری چاچی پھوپھی نہ بنیں! کرن اشفاق نے ایک بار پھر تنقید کرنے والوں کو کھری کھری سنا دیں

"باجی میرا اکاؤنٹ ہے میں کچھ بھی پوسٹ کروں میری مرضی. میں نے اپنے سوشل میڈیا اکاؤنٹ پر اپنے شوہر کے ساتھ تصویر لگائی ہے اس سے آپ کو کیوں تکلیف ہورہی ہے. خومخواہ ساری میری بھوبھی، چچی بن رہے ہیں جیسے دنیا میں پہلی بار کسی عورت کو طلاق ہوئی اور اس نے دوسری شادی کی ہو۔"

یہ جھاڑ پلائی ہے حال ہی میں دلہن بننے والی کرن اشفاق نے ایسی خاتون صارف کو جن کا کہنا تھا کہ’’ آپ اس طرح کی حرکتیں کرکے بہت بُری لگ رہی ہیں، آپ ایک نوعمری لڑکی کی طرح بن رہی ہیں. آپ کو بھی پتا ہے آپ عمران اشرف کی وجہ سے مشہور ہیں، آپ کو صرف 2 سے 4 لوگ ہی جانتے تھے، خوش رہنا سب کا حق ہے لیکن اس طرح دکھاوا کرنا ٹھیک نہیں ہے‘‘۔

اس تبصرے پر جوابی کارروائی کرتے ہوئے کرن نے بھی کوئی کسر نہ چھوڑی اور کہا کہ "کیا میں نے آپ کو کوئی گالی دی ہے یا آپ کو کچھ کہا ہے؟ ہاں مجھے 2 سے 4 لوگ ہی جانتے ہیں، اور کوئی نہیں جانتا، اگر کوئی مجھے جانتا تو یوں اپنی مرضی سے کچھ بھی نا کہہ دیتا"

ایک اور صارف نے کرن لر تنقید کرتے ہوئے کہا کہ عمران اشرف نے آپ کے بارے میں ایک لفظ بھی نہیں کہا، آپ ہی ابھی تک ان کے جنون میں مبتلا ہیں انہیں ہر پوسٹ پر گھسیٹ رہی ہیں

اس تبصرے پر کرن کا جواب تھا کہ ان کے پاس کچھ بولنے کو نہیں ہے، وہ کیا بولیں گے کے میں نے اپنی بیوی کو صرف ایک دن کا ٹائم دے کر طلاق دے دی؟