کروڑوں کا گھر، شاندار گاڑیاں اور۔۔ کیارا ایڈوانی اور سدھارتھ ملہوترا کے پاس کتنی دولت ہے؟ تفصیل جان کر آپ حیران رہ جائیں گے

کیارا ایڈوانی اور سدھارتھ ملہوترا کا تعلق بالی وڈ کی کامیاب ترین جوڑیوں میں ہوتا ہے۔ اگرچہ دونوں کی شادی کو زیادہ عرصہ نہیں گزرا لیکن شوبز میں کافی سالوں سے موجود ہونے کی وجہ سے دونوں شاندار زندگی گزار رہے ہیں۔ سدھارتھ اور کیارا کسی بھی لحاظ سے دولت کے معاملے میں بالی وڈ کے پرانے اسٹارز سے کم نہیں۔ اس آرٹیکل میں آپ کو ان کے گھر اور گاڑیوں کی مالیت کے بارے میں بتایا جائے گا۔

سدھارتھ ملہوترا ممبئی کے مہنگے ترین علاقے پالی ہلز میں ایک لگژری فلیٹ کے مالک ہیں۔ اس شاندار اپارٹمنٹ کو بالی وڈ کنگ شاہ رخ خان کی اہلیہ گوری خان نے ڈیزائن کیا ہے۔ اس فلیٹ کی قیمت اور تزئین و آرائش کئی لاکھ کی ہے جبکہ کیارا ایڈوانی بھی بحیرہ عرب کا نظارہ پیش کرنے والے شاندار فلیٹ کی مالک ہی جس کی قیمت تقریباً 15 کروڑ روپے ہے۔ یہ فلیٹ، مہالکشمی اپارٹمنٹس میں مشہور پلینٹ گودریج اسکائی اسکریپرس میں ہے۔

جہاں تک گاڑیوں کی بات ہے تو سدھارتھ ملہوترا کے پاس دو لگژری گاڑیاں موجود ہیں۔ ایک لینڈ روور رینج روور ووگ (2.26 کروڑ روپے) اور ایک مرسڈیز بینز ایم ایل 350 4 میٹک ہے جس کی قیمت 66 لاکھ روپے ہے جبکہ کیارا ایڈوانی کے پاس بھی تین شاندار گاڑیاں ہیں جن میں سے ایک BMW X5 ہے جس کی قیمت 80 لاکھ روپے ہے، پھر BMW 530d جو 74 لاکھ روپے جبکہ آخری مرسڈیز بینز E220D ہے جس کی قیمت 60 لاکھ روپے ہے۔

سدھارتھ ملہوترا کی جائیداد کی مالیت ٧٥ کروڑ روپے ہے جبکہ اس کے کیارا ایڈوانی کی جائیداد کی قیمت 23 کروڑ روپے ہے اس طرح اس جوڑے کی مجموعی جائیداد کی قیمت تقریباً 98 کروڑ روپے ہے۔ سدھارتھ ملہوترا ایک فلم کی قیمت 7 کروڑ لیتے ہیں جبکہ کیارا 2، 3 کروڑ لیتی ہیں۔