کیا اے سی کی ٹھنڈی ہوا ہمارے لئے نقصان دہ ہے؟ جانیں ماہرین اس بارے میں کیا کہتے ہیں

گرمی کا موسم ہے اور اس موسم میں کچھ لوگ پنکھوں کا ہی استعمال کرتے ہیں اور کچھ ائیر کنڈیشن میں رہنے کے عادی ہوتے ہیں یہاں تک کہ گرمی کے موسم میں آفس، ہوٹلز، اسپتال، اور گاڑیوں میں بھی اے سی کا استعمال ہی کیا جاتا ہے۔
اکثر لوگوں کو ماننا ہے کہ اے سی گرمی سے بچنے کے لئے بہترین زریعہ ہے اور کئی کی اس بارے میں مختلف رائے ہیں، کچھ لوگ اے سی میں رہنے سے پرہیز کرتے ہیں ان کا کہنا ہے کہ اے سی میں رہنا صحت کے لئے ٹھیک نہیں۔
آج ہم اس ہی پر بات کریں گے کہ آخر اے سی صحت کے لئے ٹھیک ہے یا نہیں اور ماہرین اس بارے میں کیا کہتے ہیں تو چلیں پھر تحریر کو آخر تک ضرور پڑھیں تاکہ آپ کو بھی اس سوال کا جواب مل جائے جس نے سب کو اُلجھا رکھا ہے۔

کیا ائیر کنڈیشن کا استعمال صحت کے لئے ٹھیک ہے؟

تو آخر اس سوال کا جواب مل ہی گیا، ماہرین کے مطابق انسانوں کو شدید گرمی کے موسم میں ائیر کنڈیشن کا استعمال کرنا کسی صورت صحت کے لئے خطرناک نہیں ہے، جی ہاں آپ کو یہ جان کر حیرت ہوگی مگر اے سی سے آنے والی ٹھنڈی ہوا آپ کو کوئی نقصان نہیں پہنچا سکتی۔
البتہ ہماری اپنی کی ہوئی چند غلطیاں ہمیں نقصان پہنچاتی ہیں اور ہم سمجھتے ہیں کہ اے سی کی وجہ سے ہم بیمار ہو گئے ہیں۔

ہمیں کیا کرنا چاہیئے؟

اے سی کا کام ہے گرم ہوا کو ٹھنڈا کر کے ہم تک پہنچانا اور کمرے کے درجہ حرارت کو کم کر کے اسے ٹھنڈا کرنا، لیکن اگر ہم ضرورت سے زیادہ ہی کمرہ ٹھنڈا کر لیں گے تو ظاہر ہے کہ یہ ہمارے لئے ٹھیک نہیں، ہمیں چاہیئے کہ ہم اے سی کو اس درجہ حرارت پر رکھیں جس پر ہمیں گرمی نہ لگے اور کمرہ ہلکا ٹھنڈا رہے تاکہ گرمی کا احساس نہ ہو۔
دوسری غلطی ہم یہ کرتے ہیں کہ یا تو نہا کر اے سی میں بیٹھ جاتے ہیں، یعنی جسم ٹھنڈا ہوتا ہے اور اے سی کی ٹھنڈا ہوا سے مزید ٹھنڈا ہو جاتا ہے، یا پھر ہم باہر سے شدید دھوپ اور گرمی سے آ کر فوری ٹھنڈے ٹھنڈے کمرے میں بیٹھ جاتے ہیں اور اے سی ہوا براہِ راست لینے کے لئے بلکل اس کے سامنے آ جاتے ہیں، یہ ہی وجہ ہے کہ ہمارا جسم ٹھنڈا گرم ہونے کی وجہ سے بیمار ہو جاتا ہے اور پھر ہم ذمہ دار اے سی کو ٹھہراتے ہیں۔
تو اب سے ائیر کنڈیشن ضرور استعمال کریں مگر تھوڑا احتیاط سے کیونکہ ہر چیز فائدہ تو دیتی ہے مگر ضرورت سے زیادہ استعمال کرنے سے نقصان بھی متوقع ہوتا ہے۔

By Sadia    |    In Health and Fitness   |    0 Comments    |    1925 Views    |    15 Jun 2021

Comments/Ask Question

Read Blog about کیا اے سی کی ٹھنڈی ہوا ہمارے لئے نقصان دہ ہے؟ جانیں ماہرین اس بارے میں کیا کہتے ہیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (کیا اے سی کی ٹھنڈی ہوا ہمارے لئے نقصان دہ ہے؟ جانیں ماہرین اس بارے میں کیا کہتے ہیں) and how to utilize other natural ingredients to cure diseases, easy recipes, and other information related to food from KFoods.