شادی سیزن میں پارلر جانے کی ضرورت اب نہیں۔۔ ڈاکٹر بلقیس نے صرف 5 دن میں چہرہ چمکانے سے بال خوبصورت کرنے کا کون سا طریقہ بتایا؟

آج کل شادیوں کا سیزن عروج پر ہے اور خاص طور پر بیوٹی پارلرز کی تو چاندی ہوگئی ہے کیونکہ دلہن ہو یا رشتے دار سب کو ہی خوبصورت دکھنا ہوتا ہے۔ لیکن اب حسین نظر آنے کے لئے آپ کو مہنگے پارلرز میں ہزاروں روپے خرچ کرنے کی ضرورت نہیں کیونکہ ڈاکٹر بلقیس نے صرف ٥ دن میں چہرے کی رنگت نکھارنے، جھریاں اور داغ دھبے دور کرنے سے لے کر بالوں خو سیاہ چمکدار کرنے کا ٹوٹکہ بتا دیا ہے۔

اس ٹوٹکے کی سب سے خاص بات یہ ہے کہ اس میں صرف 2 ہی چیزیں استعمال کی جائیں گی جو آپ کے باورچی خانے میں ہی آرام سے مل جائیں گی۔ 2 کھانے کے چمچ خشخاش لیں اور اسے اچھی طرح صاف کر کے رات کو پانی میں بھگو دیں۔ اب آدھا گلاس دودھ میں خشخاش مکس کردیں اور گرائینڈر میں اتنا پیسیں کہ خشخاش اور دودھ کی نرم سی کریم بن جائے۔

اس کو چہرے، گردن اور ہاتھ پاؤں پر لگا کر چھوڑ دیں اور سوکھ جائے تو کسی ٹشو سے صاف کرلیں البتہ چہرہ نہ دھوئیں۔ رات بھر ایسے ہی لگا رہنے دیں اور اگلے دن چہرہ دھو لیں۔ آپ دیکھیں گی مسلسل ٥ دنوں تک یہ عمل کرنے کے بعد آپ کو مہنگے فیشل جیسا رزلٹ ملے گا۔

اسی خشخاش والی کریم میں ایک چمچ میڈیکیٹڈ گلیسرین ڈالیں اور مکس کر کے سر کے بالوں میں اور جڑوں میں اچھی طرح لگا لیں۔ نہانے سے پہلے ایک لیموں کا رس بالوں پر لگائیں اور پھر عام شیمپو سے بال دھو لیں۔ پروٹین ٹریٹمینٹ جیسا رزلٹ آجائے گا۔