ڈاکٹر نے کہا رحم مادر نکلوا دو کیونکہ.. ایک بیٹی کے بعد ژالے سرحدی دوبارہ ماں کیوں نہیں بن سکیں؟ دردناک حقیقت بتا دی

"جب میں 24 یا 25 برس کی تھی تو پہلی بیٹی عنایا کی پیدائش ہوئی اس وقت مجھے قسم کی کوئی پیچیدگی نہیں ہوئی تھی، یہاں تک کہ الٹیاں بھی نہیں ہوتی تھیں لیکن اس کے کچھ مہینوں بعد میں دوبارہ حاملہ ہوگئی اور 6 ہفتے کے حمل میں اتنی پیچیدگیاں ہوئیں کہ میرا حمل ضائع ہوگیا"

یہ کہنا ہے معروف ماڈل اور اداکارہ ژالے سرحدی کا جنھوں نے حال ہی میں فریحہ الطاف کے پوڈکاسٹ میں شرکت کی اور اپنی نجی زندگی کے حوالے سے چند ایسے انکشافات کیے جن سے لوگ آج تک لا علم ہیں.

ژالے کا کہنا تھا کہ ایک خاص طرح کے انفیکشن کی وجہ سے ڈاکٹر کو ان کا آپریشن بھی کرنا پڑا لیکن ان کی بیماری کی غلط تشخیص کی گئی تھی اور آپریشن کے بعد بھی ان طبیعت خراب رہتی تھی، جسم سے خون کا اخراج ہوتا تھا اور بہت سے دیگر مسائل بھی تھے جس کی وجہ سے پھر انھوں نے ڈاکٹر تبدیل کیا.

ژالے سرحدی نے انکشاف کیا کہ دوسرے ڈاکٹر نے ان کا طبی معائنہ کرنے کے بعد فوری طور پر رحم مادر نکلوانے کا مشورہ دیا. اس دوران ان کا دوسرا حمل بھی ضائع ہوگیا جس کے بعد وہ ذہنی تناؤ کا شکار ہوگئیں اور ان میں ہائپو تھائیرائیڈ (hypothyroid) کی بھی تشخیص ہوئی. کچھ عرصے بعد ان کا تیسری بار حمل ٹھہرا اور ان کا حمل دوبارہ ضائع ہوا۔ اس کے بعد بالآخر انھوں نے دوبارہ ماں بننے کی کوشش ترک کردی.