قدرتی تیلوں سے کان کے انفیکشن کا علاج

کان میں وائرس یا بیکٹیریا کی موجودگی اور افزائش انفیکشن کا سبب بنتی ہے ۔ کان کے درمیانے حصے میں چونکہ سر سے جڑی ہڈی ہوتی ہے اس لئے کان کا درد دماغ تک جاتا محسوس ہوتا ہے۔ کان کا دائمی انفیکشن کان کے اندرونی حصے کو نقصان پہنچانے کا سبب بن سکتا ہے۔

کان کے انفیکشن کی علامات کیا ہیں

چھری گھونپنے جیسا تیز درد
سوجن
سیال کا بہاؤ
کم سماعت
پیپ جیسا پانی بہنا
البتہ بچوں میں کان کے افیکشن کی مختلف علامات ہوتی ہیں
کان میں کھنچاؤ
کان میں کچھ بھرا ہوا محسوس ہونا
سننے میں دشواری
بخار
بھوک میں کمی

اگر بچہ بہت چھوٹا ہے تو وہ اپنی تکلیف بتا نہیں سکے گا لیکن سونے میں دشواری، معمول سے زیادہ رونا، بے چینی، چڑچڑاپن بھی کان کے انفیکشن کی علامات ہوسکتی ہیں۔

کان میں انفیکشن کی وجوہات

کان کی صفائی کا خیال نہ رکھنے سے بیکٹیریا یا وائرس کی افزائش ہوتی ہے جس کی وجہ سے کان میں انفیکشن ہوسکتا ہے اس کے علاوہ کان کو زور سے رگڑ کر صاف کرنے سے زخم بن سکتا ہے جس میں جراثیم کی افزائش بھی انفیکشن کا باعث بن سکتی ہے۔ نزلے اور گلےخراب میں بننے والا بلغم کان کی نالیوں میں پھنس جاتا ہے اور انفیکشن پیدا کرتا ہے۔ ہینڈز فری کا بہت زیادہ استعمال اور مختلف لوگوں کے زیرِ استعمال ہینڈز فری بھی کان کے انفیکشن کی ایک وجہ ہے۔

قدرتی تیلوں سے کان کے انفیکشن کا علاج

گھروں میں سرسوں کے تیل سے کان صاف کرنے کا مشورہ تو دیا ہی جاتا ہے البتہاس کے علاوہ بھی کچھ قدرتی تیلوں میں اینٹی بیکٹیریل اور اینٹی وائرل خصوصیات موجود ہوتی ہیں جن کی وجہ سے انفیکشن سے لڑنے میں مدد ملتی ہے۔ البتہ درد یا سیال کا بہاؤ زیادہ ہو تو ڈاکٹر سے رجوع کرنے میں دیر نہ کریں۔ کان کے انفیکشن میں مدد کرنے والے تیلوں کے نام مندرجہ ذیل ہیں لیکن دھیان رہے یہ تیل ایک یا دو قطرے لے کر کیرئیر آئل مثال کے طور پر زیتون کے ایک چمچ تیل میں ملا کر استعمال کریں۔
1- نیم کا تیل
2- تلسی کا تیل
3- سرسوں کا تیل
4- لہسن کا تیل
5- پودینے کا تیل
6- ٹی ٹری آئل

یہ تمام تیل جلن کم کرنے اور بیکٹیریا کو ختم کرنے کی صلاحیت رکھتے ہیں۔ ان میں سے کسی بھی ایک تیل کے ایک یا دو قطرے ایک چائے کا چمچ کیرئیر آئل(زیتون ، جوجوبا یا ناریل کا تیل) میں ملا کر ڈراپر کی مدد سے کان میں ڈالیں۔ دن میں دو سے تین قطرے درد میں واضح طور پر کمی لے آئیں گے۔ یہ تیل کسی اچھے میڈیکل یا بڑے گروسری اسٹور سے خریدے جاسکتے ہیں

By Sameer  |   In Health and Fitness  |   0 Comments   |   894 Views   |   19 Mar 2022
Related Articles
Top Trending
Comments/Ask Question

Read Blog about قدرتی تیلوں سے کان کے انفیکشن کا علاج and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (قدرتی تیلوں سے کان کے انفیکشن کا علاج) and how to utilize other natural ingredients to cure diseases, easy recipes, and other information related to food from KFoods.