جیکی شیروف نے مکھی والی دال کھا لی؟ تنقید کا ایسا جواب کہ مداح بھی سر پکڑ کر بیٹھ گئے

جیکی شیروف اپنی بہترین اداکاری کے علاوہ سوشل میڈیا پر کھانوں کے نت نئے تجربات کرنے کی وجہ سے بھی کافی شہرت رکھتے ہیں۔ خاص طور پر سبزیوں کیی کاشت اور انھیں پکانے کے منفرد انداز بتاتے ہیں تا کہ لوگوں میں ماحولیات کے حوالے سے شعور پیدا کریں۔ البتہ اس بار انھیں یہ کوشش کچھ مہنگی پڑ گئی۔

دراصل ہوا کچھ یوں کہ اداکار نے انسٹاگرام اکاؤنٹ پر کھانوں کی ایسی ویڈیو شئیر کی جس میں سبزی اور روٹی کے ساتھ دال بھی رکھی ہوئی تھی۔ جیکی شیروف نے ویڈیو جیسے ہی پوسٹ کی۔ کچھ ہی دیر میں سوشل میڈیا صارفین نے تبصروں کی بوچھاڑ کردی۔

ایک صارف کا کہنا تھا کہ کیا دال میں گری مکھی صرف میں نے ہی دیکھی ہے؟ اس سوال کے جواب میں جیکی شیروف نے جواب دیا کہ بھائی میں جنگل میں بیٹھا ہوا ہوں۔ جبکہ کئی صارفین نے جیکی پر کھانے کی ویڈیو دیکھے بغیر شئیر کرنے پر تنقید بھی کی البتہ کچھ لوگوں نے اس بات کو محض مذاق کی بات سمجھا اور جیکی شیروف سے چھیڑ چھاڑ کرنے لگے جس کے جواب میں جیکی نے بھی مزاحیہ تبصرے کیے۔

آخر میں جیکی شیروف نے لکھا کہ “جو بھی ہے ہمیشہ وہی کھائیں جو وہ کھانے کا مشورہ دیتے ہیں اور صحت مند رہیں“ البتہ انسٹاگرام پر ان کے مداح ابھی تک حیران ہیں کہ کیا واقعی جیکی نے وہ مکھی والی دال کھائی ہے۔