جب درگارہ گیا تو میرے پیسے چوری ہوگئے، پھر ایک فقیر نے آکر کہا کہ۔۔ شاہ رخ خان کو فقیر نے کیا دعا دی تھی جس کی وجہ سے آج اُن کے پاس سب کچھ ہے؟

بالی ووڈ انڈسٹری کے کنگ شاہ رخ خان کے پاس دنیا کی ہر وہ چیز موجود ہے جس کا ہم تصور بھی نہیں کرسکتے۔ ان کے پاس مال و دولت کی کوئی کمی نہیں ہے کیونکہ اب وہ صرف ایک اداکار ہی نہیں بلکہ ایک برانڈ بن چکے ہیں۔

شاہ رخ خان کے پاس اتنی دولت کیسے آئی اس سب کے پیچھے کیا کہانی چھپی ہے اس آرٹیکل میں جانیں گے۔

ایک پرانے انٹرویو میں شاہ رخ سے جب پروگرام کے میزبان نے سوال کیا کہ کچھ سال قبل آپ ایک درگاہ پر گئے تھے جہاں آپ کی جیب سے کسی نے کچھ پیسے چرا لیے تھے۔

میزبان نے اپنا سوال جاری رکھتے ہوئے کہا کہ پھر کسی فقیر نے آپ سے بولا تھا کہ آج تو اپنے کھوئے ہوئے پیسوں کا سوچ رہا ہے لیکن آگے تمھارے پاس بہت سارے پیسے آنے والے ہیں۔ اور آپ کو شک اُس فقیر پر ہوا تو کیا کچھ ایسا تھا؟

شاہ رخ نے انٹرویو میں اس سوال کا جواب دیتے ہوئے کہا کہ میری والدہ بہت علیل تھیں تو میں ان کی صحتیابی کے لیے ان کے ساتھ (درگاہ اجمیر شریف) گیا تھا۔ انہوں نے کہا کہ ہم منت مانگنے کے لیے چادر چڑھاتے ہیں، میری والدہ نے میرے پاس 5 ہزار روپے رکھوائے تھے جو گم ہوگئے تھے۔

میں نے پیسے تلاش کرنا شروع کیے تو وہاں ایک فقیر بیٹھے تھا تو انہوں نے مجھ سے پوچھا کہ کیا کچھ گم ہوگیا ہے کیا؟ میں نے جواب دیا کہ ہاں۔ پھر فقیر نے مجھ سے پوچھا کہ کیا ٥ ہزار روپے گم ہوگئے ہیں کیا؟ جس پر میں سوچ میں پڑگیا کہ انہیں کیسے معلوم کہ میرے 5 ہزار روپے گم ہوگئے ہیں۔

بالی ووڈ سپر اسٹار شاہ رخ خان نے بتایا کہ اس قفیر نے مجھ سے کہا کہ تو درگاہ آیا ہے اور یہاں سے خالی ہاتھ واپس نہیں جائے گا۔ تم نے پانچ ہزار روپے گنوائے ہیں تو 500 کروڑ روپے کمائے گا۔

آج شاہ رخ خان کا شمار دنیا کی دولت مند شخصیات میں کیا جاتا ہے۔