ایشوریا رائے اور ابھیشیک بچن کے درمیان علیحدگی؟ جوڑے سے متعلق خبر نے مداحوں کو حیرت میں ڈال دیا

مشہور ہندوستانی نجومی جگن ناتھ گروجی نے بالی ووڈ اسٹار ابھیشیک بچن اور ایشوریا رائے کے درمیان ممکنہ علیحدگی کی پیش گوئی کی ہے۔ تقریباً ایک سال سے ان کی طلاق کی افواہیں بھارتی میڈیا میں گردش کر رہی ہیں لیکن ابھیشیک اور ایشوریہ دونوں نے ان خبروں کی تصدیق یا تردید نہیں کی۔

حال ہی میں، جوڑے نے الگ الگ اننت امبانی اور رادھیکا مرچنٹ کی شادی کی تقریبات میں شرکت کی۔ ابھیشیک اپنے والدین امیتابھ بچن اور جیا بچن کے ساتھ پہنچے جب کہ ایشوریہ اپنی بیٹی آرادھیا بچن کے ساتھ نظر آئیں۔

بھارتی میڈیا کے ساتھ بات چیت میں جگن ناتھ گروجی نے ان کے تعلقاتی مسائل پر روشنی ڈالتے ہوئے کہا کہ، ان کا زائچہ ان کی شادی پر منفی اثر ڈالتا ہے۔ علم نجوم کے مطابق، ان کی شادی کا مقدر نہیں ہے، لیکن وہ اپنی بیٹی آرادھیا کی محبت کی وجہ سے ایک ساتھ رہ رہے ہیں۔

جگن ناتھ گروجی نے کہا کہ، محبت کی کمی کی وجہ سے جلد علیحدگی ہو سکتی ہے، لیکن علیحدگی کے بعد بھی جوڑے کے درمیان احترام اور دوستانہ رشتہ برقرار رہے گا۔

ابھیشیک بچن اور ایشوریہ رائے کی شادی 2007 میں ہوئی تھی، اور ان کی بیٹی آرادھیا کی پیدائش 2011 میں ہوئی۔ ان کی علیحدگی کی پیشین گوئی نے مداحوں کو بالی ووڈ کے سب سے پیارے جوڑے کے مستقبل کے بارے میں تشویش میں مبتلا کر دیا ہے۔