عینی مجھے بچوں کی طرح رکھتی ہے اور ۔۔ اقرار الحسن نے پہلی بیوی کی تعریفوں کے پُل باندھ دیئے! باقی دو کے بارے میں کیا کہا؟

Iqrar Ul Hassan Shows Extra Love For First Wife

پاکستان کے معروف صحافی اور پروگرام سرِ عام کے میزبان اقرار الحسن ہمیشہ اپنی تفتیشی رپورٹنگ کے ساتھ ساتھ ذاتی زندگی کے حوالے سے بھی خبروں میں رہے ہیں۔ تین شادیوں کے باوجود انہوں نے نہ صرف میڈیا میں اپنی مضبوط شناخت قائم رکھی بلکہ اپنی نجی زندگی کو بھی کھلے دل سے بیان کیا۔

حالیہ دنوں میں وہ علی حمزہ کے پوڈکاسٹ میں شریک ہوئے جہاں انہوں نے اپنی پہلی محبت اور پہلی بیوی قرۃ العین اقرار کی خوبصورت ترین خوبی کا ذکر کیا۔

اقرار الحسن نے مسکراتے ہوئے کہا، قرۃ العین کی ہر بات دل کو بھا جاتی ہے، میں انہیں بے حد چاہتا ہوں۔ کل ہی عروسہ سے بات ہو رہی تھی کہ عینی کتنی پرفیکٹ ہے، اس میں کوئی کمی نہیں۔ بلکہ یہ تعریف عروسہ نے خود کی، اور میرے گھر میں بیویوں کا ایک دوسرے کی تعریف کرنا عام بات ہے۔ میں سمجھتا ہوں عینی نے مجھے بیٹے کی طرح رکھا ہوا ہے، میری ہر خواہش کو دل سے قبول کیا۔ اس کا پیار بے لوث ہے اور سب کے لیے اس کا خیال رکھنے کا انداز کمال ہے۔

انہوں نے مزید کہا، "عروسہ اور قرۃ العین ایک ساتھ رہتی ہیں، اس لیے ان کا رشتہ زیادہ جُڑا ہوا ہے۔ فراح کا مزاج مختلف ہے، میں اس کے ساتھ لنچ کرتا ہوں، اچھا وقت گزارتا ہوں اور پھر وہ اپنے گھر چلی جاتی ہے جو لاہور ہی میں ہے۔ سب کچھ طے شدہ اور خوشگوار ہے، اور میں اس زندگی پر رب کا بے حد شکر گزار ہوں۔"