حجاب ہی اصل خوبصورتی ہے۔۔ صنم چوہدری کے بعد ایک اور اداکارہ دین کے راستے پر! پرانی تصاویر ہٹا دیں

آج کل کئی مشہور اداکاراؤں کو دین کی جانب راغب ہوتے دیکھ کر اس بات پر ایمان تازہ ہوجاتا ہے کہ واقعی اللہ جب چاہے جسے چاہے ہدایت دے۔ مشہور اداکارہ صدف عمیر لغاری بھی ان ہی خوش نصیبوں میں سے ایک ہیں جو اب مکمل طور پر حجاب میں دکھائی دیتی ہیں۔ اتنا ہی نہیں بلکہ انھوں نے اپنے سوشل میڈیا سے ایسی تمام پرانی تصاویر بھی ہٹا دی ہیں جن میں انھوں نے حجاب نہیں پہنا تھا۔

صدف عمیر بغیر حجاب والی تمام تصاویر ڈیلیٹ کرنے کے بعد قران مجید کی سورہ زمر کی انتہائی خوبصورت آیت بھی شئیر کرتی ہیں جس کا ترجمہ ہے “ کہہ دے اے میرے عباد (حکم بجا لانے والے) جنھوں نے اپنے نفسوں پر ظلم و زیادتی کی ہے۔ اللہ کی رحمت سے مایوس نہ ہوجانا۔ بے شک اللہ تو سارے ہی گناہ معاف کردیتا ہے بالتحقیق وہ بخشنے والا رحیم ہے“

واضح رہے کہ صدف عمیر خود اداکاری اور ماڈلنگ کے پیشے سے وابستہ تھیں جبکہ ان کے شوہر عمیر لغاری پاکستانی ڈراموں کے مشہور اداکار ہیں۔ دونوں کی شادی 17 برس پہلے 22 اپریل کو ہوئی اور دونوں کے 2 بیٹے عثمان اور عمر ہیں۔ صدف اور عمیر کئی بار مختلف شوز میں ایک ساتھ شرکت کرچکے ہیں۔

اس سے پہلے صنم چوہدری، نور، رابی پیرزادہ اور دیگر کئی مشہور اداکارائیں شوبز چھوڑ کر باحجاب طرزِ زندگی کو اپنا چکی ہیں۔