4 سال بعد اپنے وطن آئی ۔۔ حسن علی کی اہلیہ شادی کے بعد پہلی بار بھارت جانے پر خوشی سے سرشار

پاکستانی ٹیم ان دنوں بھارت میں ورلڈ کپ میچز کھیلنے کیلیئے موجود ہے، جہاں وہ اپنے اچھے کھیل سے شائقین کرکٹ کو لطف اندوز کر رہے ہیں۔

اس سفر میں قومی ٹیم کے کھلاڑی حسن علی کی اہلیہ بھی ان کے ساتھ بھارت روانہ ہوئیں۔ شادی کے بعد سامعہ خان پہلی بار اپنے وطن آئی ہیں، جس کی تصاویر و ویڈیوز انہوں نے اپنے سوشل میڈیا اکاؤنٹ پر شیئر کیں۔

سامعہ کان نے انسٹاگرام پر بھارت میں موجود اپنے دوستوں کے ہمراہ گھومنے پھرنے کی تصویریں پوسٹ کیں

اور ساتھ ہی گزشتہ روز حیدر آباد دکن کے راجیو گاندھی انٹرنیشنل اسٹیڈیم میں ہونے والے پاکستان بمقابلہ سری لنکا کے سنسنی خیز میچ کی بھی تصویریں لگائیں۔

اس موقع پر ان کے ساتھ ان کی بیٹی حیلینا بھی موجود تھی۔ اس کھیل میں ان کے شوہر حسن علی کی جارحانہ بولنگ نے 4 کھلاڑیوں کو پویلین کی راہ دکھائی۔

دراصل سامعہ خان بھارتی مسلمان ہیں جو شادی سے قبل دبئی میں مقیم تھیں، اور 2019 میں حسن علی سے شادی کے بعد پاکستان آگئی تھیں۔ اور اب 4 سال بعد انہیں بھارت جانے کا موقع ملا جہاں وہ اپنے اہلِ خانہ و عزیز و اقارب سے ملیں، جس پر وہ کافی خوش ہیں۔