گوشت میں دھنسا ناخن تکلیف دہ بھی اور انفیکشن کا خطرہ بھی ۔۔ اس کا کیا علاج ہے؟

کئی دفعہ ایسا ہوتا ہے کہ ناخن بڑھتے بڑھتے ہمارے گوشت میں گھسنا شروع ہو جاتا ہے۔ جس کی وجہ سے ناخن کے اطراف کا حصہ پھوڑے کی طرح دکھنے لگتا ہے اور بعض اوقات تو پَس بھی پڑ جاتا ہے۔ یہ ایسا تکیف دہ ہو تا ہے کہ اس سے چلنے پھرنے جوتا پہننے اورچھونے سے بھی تکلیف ہوتی ہے۔ اگر ناخن کی صحیح تراش نہ کی جائے تو یہ پھر سائڈز سے بھی بڑھنا شروع ہو جاتا ہے۔ اور گوشت کے اندر گھنسے لگتا ہے۔ ایک دفعہ یہ گوشت میں گھس جائے تو پھر اس کو نکالنا اور پھر کاٹنا بڑا مشکل کام ہوتا ہے۔

اس کا علاج کیا ہے؟

اگر ایسا ناخن جو کہ گوشت کے اندر چلا گیا ہے تو اس کو چھیڑنا اب خطرناک ہو سکتا ہے۔ اس کو کسی ڈاکٹر کو دکھائیے، یا اگر ہلکا سا گوشت کے اندر ہے تو اس کو خود نیل کٹر سے کاٹ کر نکالنے کی کوشش کریں لیکں اگر زیادہ اندر چلا گیا ہے تو پھر اس کے ساتھ چھیڑ چھاڑ مسئلے کو بڑھا سکتا ہے۔ اس لئے اگر دیکھیں کہ یہ زیادہ دُکھ رہا ہے تو پھر فوری طور پر ڈاکٹر سے رجوع کریں تاکہ انفیکشن نہ ہو۔ کیونکہ زرا سی لاپرواہی سے یہ انفیکشن پھیل سکتا ہے۔

ناخن اوپر اٹھا نے کی کوشش کریں:

اگر تو ابھی یہ اس مسئلے کی ابتداء ہے تو اس کو خود کنٹرول کیا جاسکتا ہے۔ اس کے لئے پیر کو یا ہاتھ کو جہاں کا بھی ناخن ہے ، اس کو کچھ دیر پانی میں بھگو لیں، اس سے وہ نرم ہو جائے گا ، اب اس کو تھوڑا سا کسی چمٹی کی مدد سے اٹھائیں۔ جب وہ کچھ الگ ہو جائے تو اس میں گیپ لانے کے لئے زرا سا کسی روئی کا ٹکڑا اندر بھر دیں تاکہ ناخن اور گوشت کے بیچ میں کچھ گیپ آجائے۔

اینٹی بایوٹک لوشن یا مرہم:

اس ناخن میں اینٹی بایوٹک مرہم یا لوشن لگا کر اس کو زخم یا انفیکشن بننے سے روکا جا سکتا ہے۔ اس کے بعد اس پر کوئی صاف کپڑا یا پٹی لپیٹ دیں۔ اس پٹی کو زیادہ سخت نہ لپیٹیں بلکہ ہلکا سا لپیٹیں ورنہ وہ ناخن سے چپک کر زیادہ تکلیف دے گی۔

پین کلرز:

اگر آپ کے ناخن میں تکلیف زیادہ ہو تو اس کے لئے پین کلرز لی جا سکتی ہیں۔

گرم پانی اور نمک:

اگر متاثرہ ناخن کو گرم پانی میں نمک ڈال کر بھگو دیں تو سوجن اور تکلیف دونوں کم ہو جائیں گی۔ دن میں تین سے 4 بار یہ کام کریں۔ تکلیف میں آرام آئے گا ۔

ہائیڈروجن پر آکسائیڈ: یہ انفیکشن کو روکنے اکے لئے خاصا پر اثر ہے۔ گرم پانی میں اس کا آدھا کپ ڈالیں اور اس میں متاثرہ حصہ ڈبو دیں افاقہ ہوگا۔

ٹی ٹری آئل:

ٹی ٹری آئل بہت موثر تیل ہے یہ اکثر جلد کی حفاظت کے لئے بھی استعمال کیا جاتا ہے ۔ اس کے دو تین قطرے گرم پانی میں ڈال کر اپنا ناخن اس میں 20 منٹ تک ڈبو دیں۔ اس سے بہت فائدہ ہو گا اس کے علاوہ اس آئل کے دو سے تین قطرے زیتون کے تیل میں ملا کر روئی کے ذریعے ناخن پر اور اس کے اردگرد رگڑیں تو انفیکشن کو روکا جا سکتا ہے۔۔