اب میں کوئی اور لڑکا ڈھونڈ کے نہیں دوں گا۔۔ فہد مصطفیٰ نے ثناء جاوید کو ایسا کیوں کہا؟ ویڈیو وائرل

Fahad Mustafa Taunt On Sana Javed In Jeeto Pakistan

رمضان کی آمد کے ساتھ ہی مختلف چینلز پر گیم شوز شروع ہوگئے ہیں، جن میں سب سے سے زیادہ مقبول فہد مصطفیٰ کا شو جیتو پاکستان ہے۔ اس شو کی خاص بات اس کے وائرل اور مزاحیہ لمحے ہیں، اور اس سال کا پہلا وائرل کلپ، فہد مصطفیٰ کا اداکارہ ثنا جاوید اور کرکٹر شعیب ملک کی متنازعہ شادی پر دلچسپ انداز میں چٹکلا مارنا تھا۔

گیم کھیلتے ہوئے ثنا جاوید نے فہد مصطفیٰ سے کہا، "مجھے یہاں لڑکے نظر نہیں آرہے، پلیز مجھے کھیل کے لیے کچھ لڑکے ڈھونڈ کر دو۔" تو فہد نے جواب دیا، "یہاں لڑکوں کی کمی نہیں، مجمع میں دیکھو! اب میں تمہارے لیے اور لڑکے نہیں ڈھونڈوں گا، تمہارے لیے ایک تو پہلے ہی ڈھونڈ لیا ہے۔" فہد کے اس کھلے تبصرے کے بعد ثنا جاوید نے فہد کو روکنے کی کوشش کرتی رہیں۔

اس وائرل کلپ پر مداحوں کے مختلف ردعمل سامنے آ رہے ہیں، کچھ کا کہنا ہے کہ فہد مصطفیٰ نے ثنا جاوید کا مذاق اُڑایا اور وہ یہ طنز سہی طور پر جھیل نہیں پائیں، جبکہ ایک سوشل میڈیا صارف نے تبصرہ کیا کہ ثنا کو اپنی شادی کے بعد اس شو میں نہیں آنا چاہیے تھا۔ دوسری طرف، شعیب ملک کے مداحوں نے ثنا جاوید کے ساتھ ثانیہ مرزا کو یاد کرتے ہوئے ان کی حمایت کی۔

یہ دلچسپ لمحے اور جملے اس شو کی مقبولیت میں اور بھی اضافہ کر رہے ہیں، اور مداحوں کے درمیان ان پر بحث کا سلسلہ بھی جاری ہے۔