شادی سے مہنگی طلاقیں۔۔ ثانیہ مرزا کو طلاق دیتے ہوئے شعیب ملک کو کتنے کروڑ دینے پڑے؟ِ

بھارت میں کروڑوں روپے کے بجٹ سے ہونے والی شاندار شادیاں اکثر دھوم دھام سے شروع ہوئیں لیکن ان کا اختتام افسوسناک علیحدگیوں پر ہوا۔ ان میں کرکٹ اور بالی وڈ کی نمایاں شخصیات شامل ہیں جن کی شادیوں کی طرح ان کی طلاقیں بھی خبروں کی زینت بن گئیں۔

شعیب ملک اور ثانیہ مرزا: ایک خواب جو بکھر گیا

2010 میں پاک-بھارت محبت کی علامت بننے والے شعیب ملک اور ثانیہ مرزا نے رواں سال اپنی علیحدگی کا اعلان کیا۔ بھارتی میڈیا رپورٹس کے مطابق شعیب نے ثانیہ کو 15 کروڑ بھارتی روپے بطور تصفیہ ادا کیے۔ یہ کہانی ان کے مداحوں کے لیے کسی دھچکے سے کم نہ تھی۔

ہاردک پانڈیا اور نتاشا اسٹینکووچ: مہنگی علیحدگی کا ریکارڈ

بھارتی کرکٹر ہاردک پانڈیا اور سربیئن اداکارہ نتاشا کی شادی مئی 2020 میں ہوئی، لیکن 2024 میں ان کا رشتہ ختم ہو گیا۔ رپورٹ کے مطابق ہاردک کے 70 فیصد اثاثے، جو تقریباً 94 کروڑ بھارتی روپے کے قریب تھے، نتاشا کے حصے میں آئے۔ یہ طلاق بھارت کی تاریخ کی مہنگی ترین علیحدگیوں میں شمار کی گئی۔

شیکھر دھون اور عائشہ مکھرجی: جذباتی اور مالی خسارہ

شیکھر دھون نے 2012 میں عائشہ مکھرجی سے شادی کی، لیکن ان کی رفاقت زیادہ عرصہ نہ چل سکی۔ صرف ایک سال ساتھ گزارنے کے بعد 2023 میں علیحدگی کی تصدیق ہوئی۔ شیکھر کو 13 کروڑ بھارتی روپے بطور تصفیہ ادا کرنے پڑے۔