لکھنوی قیمہ! اب ذائقہ دار قیمہ بنائیں ہماری ریسیپی سے، وہ بھی نہایت ہی آسان طریقے سے

Lucknowi Keema Recipe In Urdu

اجزاء:

بیف قیمہ: آدھا کلو

پیاز: آدھا کلو (باریک کٹی ہوئی)

دہی: 250 گرام

سبز الائچی: 2 عدد

ہری مرچیں: 4 عدد

پودینے کے پتے: آدھا گچھا

تیل: آدھا کپ

زیرہ: 1 کھانے کا چمچ

خشک ناریل (پسا ہوا): 1 کھانے کا چمچ

ادرک لہسن کا پیسٹ: 2 چائے کے چمچ

کچا پپیتا (پسا ہوا): 2 چائے کے چمچ

لال مرچ پاؤڈر: 2 چائے کے چمچ

گرم مصالحہ پاؤڈر: 2 چائے کے چمچ

ہلدی پاؤڈر: آدھا چائے کا چمچ

نمک: آدھا چائے کا چمچ

ترکیب:

1. ایک بڑے برتن میں آدھا کلو قیمہ، ادرک لہسن کا پیسٹ، لال مرچ پاؤڈر، نمک، ہلدی، کچا پپیتا اور دہی شامل کریں۔ اچھی طرح مکس کریں اور 30 منٹ کے لیے میرینیٹ ہونے کے لیے رکھ دیں۔

2. ایک پین میں آدھا کپ تیل گرم کریں، اس میں باریک کٹی ہوئی پیاز ڈال کر سنہری بھون لیں۔ اب اس میں میرینیٹ کیا ہوا قیمہ شامل کریں، ڈھک کر 10 منٹ کے لیے درمیانی آنچ پر پکائیں۔ پھر ڈھکن ہٹا کر تیز آنچ پر اچھی طرح بھون لیں تاکہ پانی خشک ہو جائے۔

3. ایک الگ پین میں زیرہ، خشک ناریل اور سبز الائچی ہلکا سا بھون لیں اور اسے قیمے میں شامل کر دیں۔

4. آخر میں ہری مرچیں اور پودینے کے پتے ڈال کر ہلکا سا مکس کریں۔

5. اب کوئلہ جلائیں اور اسے ایک چھوٹی پیالی میں رکھ کر قیمے کے درمیان رکھیں، اس پر چند قطرے تیل کے ڈالیں اور برتن کو چند منٹ کے لیے ڈھانپ دیں تاکہ دھوئیں کی خوشبو آجائے۔

6. قیمہ سرونگ ڈش میں نکالیں، اوپر سے گرم مصالحہ چھڑکیں اور گرم گرم نان یا پراٹھے کے ساتھ پیش کریں۔