دادنی اور نانی کے بتائے ہوئے چند آزمودہ نسخے اپنائیں اور فائدہ ہی فائدہ پائیں

دادی اور نانی کے بتائے ہوئے نسخے اتنے کارآمد ہوں گے آج کی نسل اس کا تصور بھی نہیں کر سکتی، کیونکہ آج کے ایڈوانس زمانے میں ہر چیز کی دوا اور کیمیکل پراڈکٹس موجود ہیں، لیکن سالوں پہلے بڑے سے بڑے مسئلے بھی ان ہی دادی اور نانی کے بتائے ہوئے نسخوں سے منٹوں میں حل ہو جاتے تھے۔
آج ہم آپ کو ایسے ہی چند نسخے بتانے والے ہیں جو سالوں پرانے آزمودہ نسخے ہیں اور آپ کی صحت کو بہتر بنانے میں اہم کردار ادا کر سکتے ہیں، تو چلیں پھر شروع کرتے ہیں۔
اچھی صحت اور مدافعتی نظام کے لئے دادی کے بتائے چند آزمودہ نسخے

• لونگ

لونگ سالوں سے ہربل دواؤں اور نسخوں میں استعمال کی جا رہی ہے ، لونگ کا استعمال آپ کے کتنے کام آسکتا ہے یہ آپ نے کبھی سوچا بھی نہیں ہوگا، لونگ کا استعمال معدے کے السر، بیکٹیریا کی افزائش، تیزابیت، کھانسی اور دیگر کئی بیماریوں میں مددگار ثابت ہوتی ہے، چاہیں تو پسی ہوئی لونگ پھانک لیں یا پھر کھانے کے بعد لونگ منہ میں رکھ کر اس کا عرق پی لیں بے حد فائدہ ہوگا۔

• شہد

شہد وٹامنز اور اینٹی آکسیڈینٹس حاصل کرنے کا ایک بہترین زریعہ ہے، اس کے استعمال سے ہماری قوتِ مدافعت بڑھتی ہے، یہ اینٹی بیکٹیریل اور اینٹی فنگل خصوصیات رکھتا ہے، بڑھے ہوئے بلڈ پریشر کو کم کرنے کے لئے دادی کا نسخہ آزمائیں، پیاز کا رس اور شہد کو برابر مقدار میں لے کر ملائیں اور اس کا دو چمچ روزانہ استعمال کرںیں بلڈ پریشر کنڑول میں رہے گا، شہد میں ہلدی ملا کر ایک چمچ کھائیں کھانسی نزلہ گلے کی خراش میں آرام آئے گا ٹھنڈ دور ہو گی، شہد کو دہی میں ایک ایک چمچہ ملا کر چہرے پر لگائیں آئلی اسکن کم ہوگی اور دانے دور ہو جائیں گے۔

• ناریل کا تیل

ناریل کے تیل کے فوائد بے شمار ہیں، لیکن اگر اسے دادی اور نانی کے بتائے ہوئے نسخوں کے مطابق استعمال کریں تو بہت سے مسائل باآسانی حل ہو جائیں گے، ناریل کے تیل میں ایک عدد لوکی کو چھوٹے ٹکڑوں میں کاٹ کر دھیمی آنچ پر پکائیں جب یہ لوکی بلکل جل جائے تو اس تیل کو چھان کر بوتل میں بھر لیں، اب اس تیل کو سر پر لگائیں دیکھیں کتنی تیزی سے سفید بال کالے اور گھنے ہو جائیں گے، چہرے کے لیے ناریل کا تیل چہرے پر لگا کر اس سے مساج کریں اور 5 منٹ کے لئے دھوپ میں آنکھیں بند کر کے سکون لیں پھر چہرہ دھو لیں، دیکھیں کیسے داغ دھبے دور ہوں گے اور چہرہ نکھر جائے گا۔

• تلسی، ادرک اور دار چینی اور لیموں کا کمال

اگر آپ چاہتے ہیں کہ آپ سے جسم سے زہریلے مادے دور ہو جائیں، وزن کم ہو جائے، قوتِ مدافعت بڑھ جائے، چہرہ نکھر جائے، جسم سے ہر قسم کا انفیکشن دور ہو جائے، چربی ختم ہو جائے، تو بس دادی اور نانی کا بتایا ہوا یہ نسخہ آزمائیں اور کئی مسئلوں کا حل پائیں، 7 سے 8 تلسی کے پتے، ایک سے ڈیڑھ انچ کا ادرک کا چھلا ہوا ٹکڑا، 2 چٹکی پسی ہوئی دار چینی کو 2 گلاس پانی میں شامل کر کے اتنا پکائیں کہ ایک گلاس رہ جائے، اب اسے گلاس میں نکال کر آدھا لیموں نچوڑیں اور اس ڈرنک کو روز صبح کی چائے کے طور پر پیئیں، کئی مسئلے حل ہو جائیں گے۔

By Sadia    |    In Tips and Totkay   |    0 Comments    |    3406 Views    |    04 Jun 2021

Comments/Ask Question

Read Blog about دادنی اور نانی کے بتائے ہوئے چند آزمودہ نسخے اپنائیں اور فائدہ ہی فائدہ پائیں and health & fitness, step by step recipes, Beauty & skin care and other related topics with sample homemade solution. Here is variety of health benefits, home-based natural remedies. Find (دادنی اور نانی کے بتائے ہوئے چند آزمودہ نسخے اپنائیں اور فائدہ ہی فائدہ پائیں) and how to utilize other natural ingredients to cure diseases, easy recipes, and other information related to food from KFoods.