کہیں اے ٹی ایم سے نکلا جعلی نوٹ تو کسی کو چور بازار میں اپنا ہی موبائل خریدنا پڑا۔۔ عجیب و غریب واقعات جنھوں نے شہریوں کو حیران کے ساتھ پریشان بھی کرڈالا

آج کل کے حالات کچھ ایسے بن گئے ہیں کہ کسی شے کا اعتبار نہیں رہا۔ یہاں تک کہ مشینیں بھی دھوکہ دینے لگیں۔ حال ہی میں کچھ ایسے واقعات پیش آئے جنھیں ہم اپنے قارئین کی آنکھیں کھولنے کے لئے یہاں بیان کررہے ہیں۔

شہری اب ہوجائیں ہوشیار۔ صرف دکان دار اور رکشے والے ہی نہیں بلکہ اب اے ٹی ایم مشین بھی دھوکہ دینے لگی۔ شہر کراچی میں ایسا واقعہ پیش آیا جس کی مثال دنیا کے کسی دوسرے حصے میں ملنا شاید ہی ممکن ہو۔

نوٹ پر کیا لکھا تھا؟

کراچی کے مصروف ترین علاقے صدر کے اے ٹی ایم سے خاتون پیسے نکالنے گئیں تو 500 کا نقلی نوٹ اے ٹی ایم سے نکلنے پر حیران ہی رہ گئیں۔ نوٹ پر "بچوں کا کھیل" بھی لکھا ہوا تھا۔

جعلی نوٹ پھیلانے والا مافیا

خاتون نے فوراً ہی نجی بینک میں اس حوالے سے شکایت درج کروائی اور اپنے سوشل میڈیا پر بھی اس حوالے سے پوسٹ شئیر کی۔ شہری پولیس کا کہنا ہے کہ اس وقت شہر بھر میں جعلی نوٹوں کا فراڈ کرنے والا مافیا سرگرم ہے جسے پکڑنے کے لیے پولیس مصروف عمل ہے۔

چور بازار میں ملا اپنا ہی موبائل

چور بازار تو ہر شہر میں ہوتے ہیں جہاں سے چوری شدہ یا سستی اشیاء خریدنے کے لئے لوگ جاتے بھی ہیں۔ ایسے ہی ارادے سے ایک نوجوان چور بازار میں موبائل کی دکان گیا اور ایک موبائل پسند کر کے اس کی قیمت پوچھنے لگا۔ جب کہ غور سے دیکھنے پر اسے احساس ہوا کہ یہ تو اس کا اپنا فون ہے۔ اس کے بعد اس کا ردعمل کیا تھا؟ دیکھیں ویڈیو میں

View this post on Instagram

A post shared by VIDEO NATION (@videonation.teb)

ویڈیو میں دیکھا جاسکتا ہے کہ نوجوان، رنگین چشمہ پہنے دکان دار سے موبائل کی قیمت پوچھتا ہے۔ دکان دار اسے 20 ہزار قیمت بتاتا ہے۔ موبائل ہاتھ میں لینے پر نوجوان کو محسوس ہوتا ہے کہ یہ تو اس کا ہی پرانا چوری ہوا موبائل ہے۔ وہ کہتا ہے کہ یہ تو میرا موبائل ہے۔ جس کے جواب میں دکان دار ہنستے ہوئے کہتا ہے "جی صاحب آپ کا ہی ہے"

دکان دار کی بات سن کر گاہک کے چہرے کا رنگ ہی بدل جاتا ہے اور وہ سر جھکا کر مایوس سا ہوجاتا ہے۔